Jambyl oblysynda tasqyn bolýy múmkin jerler áýeden baqylandy

TARAZ. 18 mamyr. Jambyl oblysy tótenshe jaǵdaılar departamentiniń bastaýymen arnaıy komıssııa óńirdegi qatty jaýyn saldary men oblys aýmaǵynda bolatyn jaýyn-shashyn boljamynyń negizinde aerovızýaldy tekseris júrgizdi. Bul týraly egemen.kz tilshisi habarlady. Jambyl, T. Rysqulov, Merki, Shý, Jýaly jáne Talas aýdandarynda «Qazavıaqutqarý» aksıonerlik qoǵamynyń MI-8T tikushaǵymen aerovızýaldy tekseris júrgizildi. Sý nemese sel tasqyny qaýpi bolýy múmkin ózender, sý qoımalar men 4 muzdyq kólder qamtyldy», dedi Jambyl oblysy tótenshe jaǵdaılar departamenti basshysynyń orynbasary Erik Alpysbaev. Tótenshe jaǵdaılar departamentiniń málimetinshe, komıssııa quramymen T. Rysqulov, Merki, jáne Jýaly aýdandarynyń aýmaǵyndaǵy Qyrǵyz jáne Talas Alataý bókterinde shamaly qar qorynyń qalǵany anyqtaldy. Qazirgi kezde barlyq ózenderde ótken jylǵy kórsetkishterden sý mólsheri kóp. Dál osy jaǵdaı sý qoımalarynda da oryn alǵan. Sonymen qatar, jaýyn-shashynnyń kóp mólsherde bolý saldarynan kar qorynyń tez erý yqtımaldyǵy bar, betkeılerde aǵyndar paıda bolyp, ózenderde sý deńgeıleri tez kóterilip sel aǵyny paıda bolýy múmkin. Sý nemese sel tasqyny qaýpi saldaryna baılanysty tótenshe jaǵdaılardyń aldyn alý maqsatynda komıssııa quramymen jergilikti atqarýshy organdarǵa qatysty memlekettik mekemelermen jáne uıymdarmen birlesip  eldi mekender men sharýashylyq obektilerin jáne aýmaqty qorǵaý boıynsha keshendik is-sharalar júrgizý jóninde usynystar berildi. Oralhan Dáýit. Derek, foto: egemen.kz