Prezıdent poshtasynan

Selkeýsiz senim aıǵaǵy Memleket basshysy Nursultan Nazarbaevtyń atyna Qazaqstan aza­mat­tarynan Qazaqstan Respýblıkasynyń Tuńǵysh Prezıdenti – Elba­synyń prezıdenttik ókilettigin uzartý jóninde referendým ótkizý tý­ra­ly jalpyulttyq bastamaǵa qoldaý bildirgen hattar kóptep kelip túsý­de, dep habarlady Qazaqstan Respýblıkasy Prezıdentiniń baspasóz qyzmeti. Atap aıtqanda, Qazaqstan Res­pýblıkasynyń Ulttyq gıdrome­teo­rologııalyq qyzmetiniń ujymy referendým ótkizý jónindegi bas­tamany biraýyzdan qoldap otyr. «Sizdiń baıypty da dana saıasa­ty­ńyzdyń arqasynda Qazaqstannyń Táýelsizdigi men gúldenýi, beıbitshilik pen tynyshtyq, ekono­mı­kalyq turaqtylyq, halyqtyń ómir súrý deńgeıi men ál-aýqatynyń ar­týy, erteńgi kúnge degen senimi qam­tamasyz etilgen», – dep atap ótilgen hatta. Sondaı-aq, «Okan» kompanııalar tobynyń ujymy referendým ótkizý týraly jalpyulttyq bas­ta­many qoldaıdy. «Biz Qazaqstannyń basty jetistigi bolyp tabylatyn uly maqsatqa – álemniń eń damyǵan elý eliniń qataryna kirýi barlyq jańarýlardyń basynda bizdiń memleketimizdiń negizin qurýshy Siz,  Qazaqstan Respýblıkasynyń Tuń­ǵysh Prezıdenti – Elbasy Nur­sultan Ábishuly Nazarbaev tur­ǵan­da qol jetetinine naqty senimdimiz. Siz – reformalar men ınves­tı­sııa­lardy iske asyrýdyń, bizdiń ortaq túrki álemindegi beıbitshilik pen kelisimniń kepilisiz», – delingen hatta. Al «Qazaqstan Respýblıkasynyń tatar jáne bashqurt etnomádenı birlestigi qaýymdastyǵynyń» basshy­ly­ǵy referendým ótkizý jónindegi bas­tamaǵa qyzý qoldaý bildiredi. «2001 jylǵy 13 qańtarda qaýym­dastyq «Nur Otan» HDP bastamasy boıynsha qurylǵan, elimizdiń Prezıdenti N.Á.Nazarbaevtyń prezıdenttik ókilettigin uzartý jónindegi res­pýblıkalyq referendýmdy ótkizý týraly «Qazaqstan-2020» jal­py­ult­tyq demokratııalyq kúshter koalı­sııa­syna qosylý týraly málimdedi. Biz saıası, ekonomıkalyq jáne áleý­mettik turaqtylyqty, barsha Qazaq­stan hal­qynyń ál-aýqatynyń artýy men gúldenýin tek qana Nursultan Ábish­uly Nazarbaevtyń esimimen baılanys­tyramyz», dep atap ótken hatta. Temirtaý qalasynyń turǵyny Vera Sergeevna Homıakovanyń hatynda Memleket basshysynyń dana áleý­mettik saıasatynyń arqasynda zeınetkerler memlekettiń qamqorlyǵyn sezinip otyrǵany baıandalǵan. «Biz, zeınetkerler, Sizdi, Nursultan Ábish­uly, shyn nıetimizben qol­daımyz! Sizdi halyq jaqsy kóredi, Siz qazaqstandyqtar úshin kóp ister atqardyńyz. Qazir bizdiń zeınetaqy­myz jaqsy, barlyq zeınetkerler «Bizdiń Prezıdentimizge rahmet!» deıdi, bizge kórsetken qamqorly­ǵyńyz úshin Sizge rahmet! Biz referendým ótkizý týraly bastamany shyn júregimizben qoldaımyz», – deıdi óz hatynda V.Homıakova. «Bizdiń elimizdegi barlyq oń óz­geristerdi men Prezıdent Nursultan Ábishuly Nazarbaevpen baılanys­tyramyn. Onyń kúsh-jigeri, optımıstigi, biregeı qabilettiligi oqıǵany elimizdiń tabysty damýyna jetkizedi», – delingen Qostanaı ınjenerlik-pedagogıkalyq ýnıversıtetiniń rek­tory S.Esmuratovtyń hatynda. Avtor sondaı-aq Memleket basshy­sy­nyń oılastyrylǵan syrtqy saıasa­ty­nyń arqasynda ótken jyly EQYU-nyń Astana Sammıti tabysty ótke­nin jáne Qazaqstan búginde kúlli álem­ge tanymal bolǵanyn atap kór­setken.