Astana óńirlik haby

BUU Bas Assambleıasynda joǵary baǵa aldy Astanadaǵy Memlekettik qyz­met salasyndaǵy óńirlik hab qyz­metine BUU Bas Assamb­leıa­sy­nyń Ońtústik-Ońtús­tik ynty­maq­tastyǵy jónin­degi joǵary deń­geıdegi komıte­tiniń XIX sessııa­synda yntymaq­tastyqtyń ha­lyq­aralyq tıimdi tuǵyrnamasy retinde atap ótildi. Jıyndy BUU Bas hatshy­sy­nyń Ońtústik-Ońtústik ynty­maq­tas­ty­ǵy boıynsha arnaıy ýákili Hor­he Chedıek kirispe sóz sóılep ash­ty. Ses­sııa jumysyna BUU múshe-­mem­­leketteri, baqylaýshy el­­de­ri tu­­raqty ókilderi, BUU me­ke­­­mele­ri, úkimetaralyq jáne úki­met­­­tik emes uıym jetekshileri qatys­ty. Memlekettik basqarý sala­syn­daǵy Ońtústik-Ońtústik yntymaq­tastyǵynyń úlesi týraly talqylaý taqyryby retinde Astana óńirlik habynyń tájirıbesi nazarǵa alyndy. Habtyń basqarýshy komıteti tóraǵasy Álıhan Baımenov memlekettik qyzmetti jetildirýde Qazaqstannyń halyqaralyq áriptestikke qosqan úlesi, onyń ishinde turaqty damý maqsattaryn ilgeriletý boıynsha hab qyzmeti jóninde baıandady. Buǵan deıin BUU arqyly Astanada habtyń qurylýy jáne onyń tabysy Qazaqstannyń reformalar jasaý, onyń ishinde mem­lekettik qyzmette merıtokra­tııany nyǵaıtý boıynsha oń tájirıbesimen bólisýge daıarly­ǵynyń nátıjesinde múmkin bolǵan­dyǵy atap ótilgen. 2014 jyly hab Ońtústik-Ońtústik formatyndaǵy yntymaqtastyqty damytýǵa qosqan úlesi úshin BUU-nyń arnaıy syılyǵymen marapattalǵan. Hab Qazaqstan bastamasymen BUU «Damý» baǵdarlamasymen birlese otyryp, 25 múshe el jáne 5 halyqaralyq uıymnyń qaty­sýymen quryldy. Qazirgi tańda hab 34 múshe elden turady. Rýslan IGILIK