QOSTANAI. 19 mamyr. Qostanaı-Chelıabi-Ekaterınbýrg respýblıkalyq tas joly boıymen ótip bara jatqan TMD jáne Eýropa elderiniń júk tasýshylary, týrıster jáne jergilikti júrgizýshiler Qostanaı polıseılerine ózderin tolǵandyrǵan saýaldaryn qoıyp, jaýap aldy. «Jol ústindegi qabyldaý» aksııasy aıasyndaǵy bul shara shekarada ornalasqan Qarabalyq aýdanynda bastaldy. Bul týraly oblystyq ishki ister departamenti baspasóz qyzmetine silteme jasaǵan egemen.kz tilshisi habarlady.
«Jol boıyndaǵy qabyldaý» jyljymaly beketi jumysyn Qostanaı oblysyndaǵy «Rýbej» júıesindegi jalǵyz baqylaý qosynynda bastady. Ol Reseımen shekaralas Qarabalyq kentiniń kire berisinde ornalasqan. Tańerteńnen júrgizýshiler aksııaǵa belsene aralasty. Sharaǵa «Nur Otan» partııasy oblystyq jáne aýdandyq fılıaldarynyń ókilderi qatysty. Qarabalyq aýdandyq ishki ister bólimi jergilikti polısııa qyzmetiniń bastyǵy, podpolkovnık Maǵzum Erjanov: «Shara jurtshylyqpen aralasýǵa jáne jol kólik oqıǵasyn azaıtýǵa baǵyttalǵan. Jyl basynan beri Qarabalyq aýdanynda 3 jol apaty bolyp, onda 4 adam zardap shekti», – dedi.
Júrgizýshiler anketa suraqtaryna jaýap berdi. Olar oblystyq ınspektorlar batalony men aýdandyq polısııa qyzmetine rıza. Qazaqstandyq tártip saqshylarynyń suraǵyna Reseıdiń Vsevolojsk qalasynan kele jatqan Rafık Musa-Zade jaýap berdi. Ol osy kezge deıin burynǵy Keses odaǵyna qaraǵan elderdiń barlyǵyn aralap shyqqan. Qostanaılyq polıseılerdiń kishipeıildigi ony rıza etken. Reseı nomerimen kele jatsa da, ony sebepsiz toqtatpaǵan. Reseılik júrgizýshi «kólikti tehnıkalyq tekseristen ótkizýge bola ma?» degen saýal qoıdy. Oǵan qostanaılyq polıseler tehnıkalyq tekserý tek ózi turǵan Reseıde ǵana ót kizilý kerektigin túsindirdi.
Qazaqstandyq júrgizýshiler de qosymsha jol belgilerin ornatý, kólikti gazben júrýge aýystyrý sekildi kóptegen suraqtar qoıdy. Sonymen qatar, joldan ótip bara jatqan Germanııa, Belorýs, Ýkraına, О́zbekstan azamattary da suraqtaryna jaýap aldy. Aksııa oblystyń barlyq aýdandarynda da ótti. Ol myńnan asa júrgizýshini qamtydy.
Názıra Járimbetova.
Derek, foto: Qostanaı oblystyq ishki ister departamenti baspasóz qyzmeti.
