Batys Qazaqstanda shekarashy sýǵa batyp bara jatqan balany qutqardy

ORAL. 19 mamyr. Batys Qazaqstanda shekarashy sýǵa batyp bara jatqan balany qutqardy. Bul týraly Batys Qazaqstan oblysy tótenshe jaǵdaılar departamentiniń baspasóz qyzmetine silteme jasaǵan egemen.kz tilshisi habarlady. Oqıǵa 7 mamyr kúni bolǵan. Alaıda ol jóninde tek qazir belgili boldy. Atap aıtqanda, №2036 áskerı bólimniń radıotelefonısi Ádilbek Rahmetov Jánibek aýylynyń shetindegi jasandy sý toǵanynyń jaǵalaýynda bolǵan kezde, sol jerge jaqyn mańda bir top bala oınap júrgen. Onyń ishinde ártúrli jastaǵy 2 er bala jáne 5 qyz bolǵan eken. Kenet Ádilbek «qutqaryńdar», dep kómek suraǵan aıqaıdy estıdi. Ol dereý oqıǵa ornyna jetkende sýdan balanyń qoldary ǵana kórinedi. Áskerı qyzmetshi oılanbastan sýǵa túsip, balany aman-esen jaǵaǵa alyp shyǵady. Osy erliktiń arqasynda besinshi synyp oqýshysynyń aman qaldy. Aıta keteıik, qazirgi tańda atalǵan departament basshylyǵy jas mamandy marapattaýǵa usynýǵa usynys ázirleýde. Temir Qusaıyn. Derek, foto: Batys Qazaqstan oblysy tótenshe jaǵdaılar departamentiniń baspasóz qyzmeti.