Aqmola oblysynda jańbyr egin egýge kesirin tıgizgeli tur

KО́KShETAÝ. 21 mamyr. Aqmola oblysynda egin egý naýqany aıaqtalmaı jatyp, ónimniń qar astynda qalý qaýipi tónip tur. Bul týraly KTK telearnasynyń aqparyna súıengen egemen.kz tilshisi habarlady. Bulaı bolatyny, oblystaǵy egistik alqaptardyń teń jartysyn áli dán sebilgen joq. Onyń ústine, aýa-raıyna baılanysty óńirde tuqym sebý jyldaǵydan sál kesh qolǵa alyndy. Al jaýyn-shashyn jalǵasa beretin bolsa, jaǵdaı tipti nasharlap ketýi múmkin. Osyny shamalaǵan dıqandar jantalasa qımyldaýda. Ýaqyt tym tyǵyz. Endi 10 kúnniń ishinde jumysty aıaqtap úlgermese, bári de kesh bolýy yqtımal. Qazir oblystaǵy aýa raıy da egin egýge qolaıly bolyp tur. Sondyqtan dıqandar ýaqytty qur jibermeı kúsh salýda. Ondaǵan tehnıka jyrtylǵan alqapqa túrli daqyldar egýdi jalǵastyryp jatyr. Ásirese, bıdaı alqaptyń basym bóligine egilýde. Al sharýalar naýqan aıaqtalmaıynsha, kún raıy buzylyp, jaýyn jaýmasa dep tilep otyr. О́ıtkeni, naýqan sozylyp ketedi. Bulaı bolsa, eńbek esh ketip, ónim pispeı qar astynda qalýy múmkin. «Byltyr jaqsy ónim aldyq. Bir bıdaıdy dalada qaldyrmaı jınadyq. Bıyl qalaı bolatynyn aıtý qıyn. Áıteýir egip jatyrmyz. Qalǵany aýa raıyna baılanysty. Al, úkimet sharýalardy qaryq qylamyz dep otyr. Jeńildetilgen nesıeden bólek, sharýashylyqqa qajetti tehnıkany tıimdi baǵaǵa satyp alýǵa úlken múmkindik bar eken», - deıdi sharýa qojalyǵynyń basshysy Qasymbek Moldabekov. «Memleket tarapynan kórsetilgen kómek júzege asýda.Osy kúnge deıin aýyl sharýashylyǵy salasynda júrgen adamdardan 1300-den astam ótinish kelip tústi. Olardyń barlyǵy maquldandy. Jalpy sommasy 18 mıllıardty qurap otyr», - deıdi «QazAgroQarjy» AQ lızıngtik jáne kepildikpen qamtamasyz etý departamentiniń dırektory Rınat Kemeshov. Baqbergen Amalbek. Derek, foto: KTK