Aqmolada joǵalǵan qyzdyń áke-sheshesine qatysty is qozǵaldy

KО́KShETAÝ. 21 mamyr. Jumbaq jaǵdaıda iz-túzsiz joǵalǵan Ellına Kuldınanyń ata-anasy sot aldynda jaýap berýi múmkin. Bul týraly KTK telearnasynyń aqparyna súıengen egemen.kz tilshisi habarlady. Aqmola oblystyq ishki ister departamenti onyń áke-sheshesine qatysty «Balany qaraýsyz qaldyrdy» degen bap boıynsha qylmystyq is qozǵady. Eger kishkentaı qyzdyń joǵalýyna jaqyndarynyń aıypty ekeni dáleldense,  áke-sheshesi 4,5 mıllıon teńge aıyppul tóleıdi nemese 2 jylǵa  bas bostandyqtarynan aırylady. Al balanyń óli denesi tabylǵan jaǵdaıda ata-anasy 5 jylǵa deıin sottalýy múmkin. Eske sala keteıik, budan eki apta buryn Astanadan 40 shaqyrym jerdegi Qabanbaı batyr aýyly mańynda 2 jasar qyz joǵalyp ketken edi. Nura ózeniniń jaǵasyna serýendeýge shyqqan ata-anasy Ellınadan aıaq asty kóz jazyp qalady. Qazir kishkentaı qyzdy polıseıler, qutqarýshylar men eriktiler ózenniń jaǵasynan, jazyq daladan, sýdyń túbinen de izdep jatyr. Ellınnanyń sýǵa ketýi múmkin degen joramal aıtylǵandyqtan, Nura ózeniniń aǵysy da tejeldi. Baqbergen Amalbek. Derek, foto: KTK