Reseı 2017 jyldan plastık ydyspen syra satýdy toqtatady

ASTANA. 22 mamyr. Reseı Federasııasy úkimetine alkogol aınalymyn memlekettik retteý týraly zańǵa polımer materıaldardan jasalǵan tutyný zattary men qutylaryn óndirý jáne olardy bólshek saýdaǵa shyǵarýǵa kezeń-kezeńimen tyıym salýdy kózdeıtin ózgerister engizý usynyldy. Bul týraly RIA «Novostı» aqparyna súıengen egemen.kz tilshisi habarlady. Osyǵan baılanysty jasalǵan usynystar mınıstrler keńesiniń saıtynda jarııalandy. RF qarjy mınıstrligi taldap jasaǵan bul qujat 2017 jyldyń 1 qańtarynan bastap plastıkalyq ydystardy óndirýge jáne olardy alkogoldi ishimdikterdiń ydysy retinde paıdalanýǵa tyıym salýǵa alyp barady. Onda «tolyq polıetılennen, polıstroldan, polıetılentereftalat pen basqa da polımerlik zattardan jasalǵan, kólemi 1,5 lıtrden aspaıtyn tutyný ydystarymen nemese qutysymen» alkogoldi ónimderdi shyǵarýǵa jáne (nemese) aınalymǵa jiberýge (bólshek saýdanyń buǵan qatysy joq) tyıym salý qarastyrylǵan. Al kólemi 1,5 lıtrden aspaıtyn osyndaı ydystarmen bólshek saýdada syra satý 2017 jyldyń 1 shildesinen bastap toqtatylady. Talǵat Raıymbek. Derek: RIA «Novostı».