Barak Obama AQSh zańynan «negr» degen sózdi alyp tastady

ASTANA. 22 mamyr. AQSh prezıdenti Barak Obama federaldy zańnamadan «negr» (negro) jáne «Shyǵys týmasy» (oriental) uǵymdardy bildiretin sózder alynyp tastalǵan zań jobasyna qol qoıdy. Bul týraly ABC News deregine silteme jasaǵan egemen.kz tilshisi habarlady. Zań jobasyn Nıý-Iork shtatynan saılanǵan kongressmen-depýtat Greıs Meng hanym usynǵan. Qujattyń maqsaty «azshylyqty bildiretin termınologııany jańǵyrtý» bolyp tabylady. Ol 1970-shi jyldardyń sońynda qoǵamdyq densaýlyq saqtaý salasyndaǵy zańdarda kezdesetin uǵymdardy almastyrýdy, olardy saıası jaǵynan bilikti etip jasaýdy kózdeıdi. «Qazir «Shyǵys týmasy» degen termın federaldy zańnamada joq, aqyr sońynda bul adamdy qorlaıtyn jáne ábden iskirgen uǵym, sondyqtan odan bas tartýǵa tıispiz», - dep túsindirdi óziniń oıyn kongressmen. Meng buǵan ózin jaqsy túsingeni úshin prezıdentke razy ekenin aıtyp, oǵan alǵys sezimin bildirdi. Greıs Meng – Nıý-Iork shtaty atynan AQSh kongressine depýtat bolǵan tegi azııalyq birinshi áıel. Talǵat Raıymbek. Derek, foto: ABC News.