Almaty oblysynda árbir besinshi alaıaqtyq kóshede jasalady

TALDYQORǴAN. 22 mamyr. Almaty oblysynyń quqyq qorǵaý organdary árbir besinshi alaıaqtyqtyń kóshelerde, dúkenderde, bazarlar men turǵyndardyń úılerinde jasalatynyn aıtyp otyr. Bul týraly 7sunews.kz aqparyna súıengen egemen.kz tilshisi habarlady. Oblysta jyl basynan beri áldekimderdiń aıtqandaryna senip, alaıaqtyq áreketterine túsip qalýshylyqtyń 160 faktisi tirkelgen. Olar pysyqaı jandarǵa óz aqshalaryn áldeqalaı bir taýar-materıaldyq qundylyqtardy satyp alýǵa nemese qyzmet kórsetý úshin ańǵaldyqpen berip qoıǵan. «Eń aýyr keń taralǵan alaıaqtyq nesıe-qarjy júıesinde oryn alyp otyr, alaıaqtar mundaı nesıelerdi bógde adamnyń atyna rásimdeıdi. Ústimizdegi jyly oblys aýmaǵynda osyndaı tap osyndaı 35 fakt tirkeldi», - dep atap ótti polısııadaǵylar. Taǵy 42 fakt jer ýchaskelerin ótkizý salasynda oryn alǵan. Kórsetilgen mysaldarda ákki alaıaqtar ózderin kóbine memlekettik qurylymdardyń, ákimdikter jáne jer komıtetiniń qyzmetkerleri etip tanystyratyny baıqalǵan. Osyǵan baılanysty quqyq qorǵaýshylar birqatar problemalyq máselelerdi ortaǵa saldy. Sonyń biri - mundaı qylmystardyń qurbandary qylmyskerlerdi ózderi izdeýge kúsh salady. Al osyndaı ózindik áreket kóp retterde qylmysty «shuǵyl izderi boıynsha» ashý múmkindigin kúrt tómendetip jiberedi. Anyqtalǵanyndaı, Qazaqstanda Ishki ister mınıstrligi úsh jyldyq merzimge jasaǵan. Sondaı-aq 2015 jyly kúshine engen múliktik qylmys túrlerine qarsy turý boıynsha vedomstvolyq baǵdarlama bar. Nurbol Áldibaev. Derek: 7sunews.kz. Sýrette: «Ivan Vasılevıch kásibin ózgertedi» fılminen kadr.