ALMATY. 1 maýsym. Italııanyń Mılan qalasynda «Gazpromnyń» «Fýtbol dostyq úshin» asa aýqymdy áleýmettik jobasynyń aıasynda tórtinshi halyqaralyq balalar forýmy aıaqtaldy. Bul týraly Football for friendship halyqaralyq baspasóz qyzmetine silteme jasaǵan egemen.kz tilshisi habarlady.
Bıyl bul forým Afrıka, Azııa, Eýropa jáne Ońtústik Amerıka elderiniń jas fýtbolshylaryn jınaǵan.
Forýmnyń basty oqıǵasy – toǵyz qundylyqtar kýbogyn tabystaý saltanaty. Aıryqsha marapat jyl saıyn áleýmettik jaýapkershilik salasyndaǵy kórneki jetistikteri úshin kásibı fýtbol klýbtarynyń birine beriledi. Jeńimpazdy tańdaýǵa búkil álemdegi jankúıerler qatysady, biraq sońǵy sheshimdi «Fýtbol dostyq úshin» jobasynyń qatysýshylary daýys berý arqyly qabyldaıdy. Bıylǵy kýboktyń ıegeri – Germanııanyń «Bavarııa» fýtbol klýby atandy.
«Dostyq úshin fýtbol» jobasynyń qatysýshylary klýbtyń múmkindikteri shekteýli balalardy qoldaý jónindegi qyzmetin, sondaı-aq ár eldegi naýqas balalardy emdeý men muqtaj jandarǵa kómektesý sııaqty bastamalaryn atap ótken.
Forýmnyń oqıǵalaryn álemniń jetekshi buqaralyq aqparat quraldarynyń 200 tilshisi, sondaı-aq jobaǵa qatysýshy-elderdiń jas jýrnalısterinen quralǵan halyqaralyq balalar baspasóz ortalyǵy jaryqtandyrdy.
«Fýtbol dostyq úshin» jobasyna 32 el qatysady. Olardyń qatarynda – Sırııa, Túrkııa, Armenııa jáne Ázerbaıjan bar. Jyl saıyn jobaǵa qatysýshylardyń sany artýda. Balalar úshin mádenıet pen dástúrlerdiń aıyrmashylyǵyna qaramastan, beıbitshilik pen dostyq uǵymdarynyń birinshi kezekte turatynyn bildiredi. Uldar men qyzdar bir-birin syılaýdy úırenip qana qoımaı, mańyzdy adamzat qundylyqtarynyń ózindik elshilerine aınalady. Bul joba olarǵa muny iske asyrýǵa kómektesedi. Kúshimizdi biriktirip, álemdi jaqsy jaqqa ózgerte alamyz degen senimdemin», – dedi «Gazprom» basqarma tóraǵasy Alekseı Mıller.
«Bıyl baǵdarlamany, onyń maqsat-mindetterin aıshyqtaıtyn marapatty «Bavarııa» fýtbol klýbynyń ıelenip otyrǵanyna qýanyp otyrmyn. Toǵyz qundylyqtar kýbogy – bul eń adal adamdar – balalardyń ózi beretin baǵa. Dál osy jaıt atalmysh kýbokty kez kelgen klýb úshin aıryqsha bedeldi marapatqa aınaldyryp otyr», – dedi áıgili nemis fýtbolshysy, «Fýtbol dostyq úshin» jobasynyń jahandyq elshisi Frans Bekkenbaýer.
Aınash Esalı.
Derek, foto: Football for friendship halyqaralyq baspasóz qyzmeti.
