Kókshetaýda jemisten jasalǵan balmuzdaq shyǵarý qolǵa alyndy

KО́KShETAÝ. 6 maýsym. Aqmola oblysynyń ortalyǵynda balmuzdaqtyń jemistiń dámi bar jańa túri shyǵaryla bastady. Bul týraly 24.kz aqparyna súıengen egemen.kz tilshisi habarlady. «Zaýytta balmuzdaqty eski ádispen jasaımyz. Ony eshqashan ózgertýge áreket etken joqpyz. Dámi týra bizdiń balalyq shaǵymyzdaǵy táttige uqsaıdy. Zaýytta táýligine 7 tonna balmuzdaq shyǵarylady», - dedi zaýyt tehnology Nına Fedoseeva. Onyń aıtýynsha, kásiporyn tabıǵı ónimderi men dástúrge adaldyǵyn tutynýshylar joǵary baǵalaıdy. Búkil elge taraıtyn kilegeıli plombır, shokoladty balmuzdaq tez ótip ketedi. Qazir ol qaraqat, qulpynaı men kıvı dámi bar jemisti balmuzdaqtar shyǵarýdy bastap ketti. Osyǵan oraı sehtaǵy qondyrǵylar jańalandy. «Memlekettiń qoldaýymen bıyl 25 mln. teńge ınvestısııa tartyldy. Sonyń arqasynda óndiristi ulǵaıtyp, jemisti balmuzdaqtyń taǵy 6 túrin shyǵarmaqpyz. Italıandyq djelato balmuzdaǵyn da ózimizdiń tásilmen óndirmekpiz. Sonymen qatar chechıl, eritilgen jáne qatty irimshikterdiń de óndirisin qolǵa alamyz», - deıdi  zaýyt dırektory  Ásen Jaqsylyqov. Zaýytta sút ónimderiniń 30-dan astam túri shyǵarady. Onyń qurtyna reseılikter de qyzyǵýshylyq tanytyp otyr. Eki júz adam eńbek etetin kásiporynnyń óndiris kólemin ulǵaıtyp, jańa jumys oryndaryn ashý josparda bar. Baqbergen Amalbek. Derek: 24.kz.