Aqtóbedegi terrorlyq akt aıyptaldy

Keshe Qasym-Jomart Toqaevtyń tóraǵalyǵymen ótken Parlamenttiń joǵarǵy palatasy bıýrosynyń otyrysynda Senat Tóraǵasy palata depýtattarynyń atynan Aqtóbedegi terrorlyq aktiniń saldarynan qaza bolǵandardyń otbasylaryna kóńil aıtyp, zardap shekkenderge tilektestik bildirdi. Senatorlar sodyrlardyń ar­syz­dyǵy men qatygezdigine narazy­lyqtaryn jetkizip, memleke­ti­mizdiń ishki saıası turaqtylyǵyn shaıqaltýdy kózdegen terrorlyq aktilerge jol bermeý qajettigi týraly málimdedi. Parlamentshiler Prezıdent N.Nazarbaevtyń basshylyǵymen tarıhı turǵydan alǵanda qys­qa merzim ishinde Qazaqstan áleý­mettik-ekonomıkalyq jáne demo­kratııalyq damý jolynda barsha halyqaralyq qoǵamdastyq moıyndaǵan jetistikterge qol jetkizip, álemdik arenada bedeldi memleketke aınalǵanyn atap ótti. Bul elimizdegi kópultty halyqtyń myzǵymas birliginiń arqasynda múm­kin boldy. Qasıetti Ramazan aıy­nyń qarsańynda bolǵan arsyz qylmysty dinmen baılanys­tyrmaý kerek, bul, shyn mánin­de, bizdiń azamattarymyzdyń tynysh­tyǵy men mamyrajaı ómirine qarsy baǵyttalǵan aram nıetti qa­raqshylyqtyń kórinisi. Senator­lar konstıtýsııalyq tártipke jáne Qazaqstan qoǵamyndaǵy beıbitshilik pen kelisimge eshkimniń qol suǵýǵa qaqysy joq dep sanaıdy jáne quqyq qorǵaý organdarynyń qaraqshylardyń kózin joıyp, olardy jaýapqa tartý jónindegi áreketterin qoldaıdy, dep habarlady Parlament Senatynyń baspasóz qyzmeti.