Qazteleradıo otandyq «KazSat-3» jerserigine kóshýde

«KazSat-3» jerserigi ǵaryshtyq qoldanýǵa 2014 jyl­dyń jeltoqsan aıynda jiberilgen bolatyn, sonyń arqasynda ulttyq teleradıohabar taratýdy otandyq jerserikke kóshirýge múmkindik týdy. Qazirdiń ózinde 14 qa­zaqstandyq kásiporyn «KazSat» serııasyndaǵy ǵarysh apparatyn qoldanýda, olardyń arasynda Qazaqstan Respýblıkasynyń iri telekommýnıkasııalyq operatorlary, ulttyq kompanııalar, áskerı qurylymdar, tártip saqtaý organdary, memlekettik mekemeler, sondaı-aq elimizdegi jekemenshik kompanııalar da bar. Qazaqstan Respýblıkasynyń teleradıohabar taratý ulttyq operatory «Qazteleradıo» AQ 1 naýryzdan beri óziniń sıfrlyq telearnalarynyń habar taratýyn sheteldik jerserikten otandyq jerserikke kóshirýde. Abonentterdi «KazSat-3» jerserigine tolyq kóshirgenshe habar taratý eki jerserikten de júrgiziledi, alaıda bul kóshý kezinde qazaqstandyq tutynýshylar jeliden qol úzip qalmaýy úshin qolǵa alynǵan ýaqytsha shara. «KazSat-3» telekommýnıka­sııalyq ǵarysh apparaty baılanys, telehabar taratý jáne Qazaqstan aýmaǵynda joǵary jyldamdyqty ınternet jelisi qyzmetterimen qamtamasyz etýge baǵyttalǵan. El aýmaǵynda televızııany taratýǵa jaǵdaı jasaý­dan basqa «KazSat-3» jerserigi elimizdiń aqparattyq qaýipsizdigin arttyryp, memlekettik orga­n­dardy táýelsiz baılanys arnalarymen qamtamasyz etip, sheteldik jerserikterdi jaldaýǵa ketetin qarajatty únemdeýge maqsattalǵan. Al bul zeınetaqy, muǵalimder men dárigerlerdiń jalaqysy, járdemaqylar jáne t.b. Qazirdiń ózinde habar tara­týdyń sıfrlyq standarty paıda bolǵaly, telekórermender beıne men dybystyń sapasyna joǵary baǵa berip jatyr. Halyqqa «sıfrdyń» artyqshylyqtaryn túsiný úshin ýaqyt kerek. Alaıda, sıfrlyq habar taratý sıgnalynyń bolashaǵy zor ekenine qazirden kúmán joq. Qazaqstandyq «KazSat-3» jerserigine kóshý bizdiń «OTAU TV» jerseriktik tele­vızııa abonentteri qosymsha SD arnalardy sıfrlyq sapada kóre alady. Sondaı-aq, HD-arna­lardy (joǵary aıqyndyqtaǵy arnalar)  qosý múmkindigi bar, ol aǵymdaǵy jyldyń ekinshi jartysynda aqyly toptamany qoldanýshylarǵa qoljetimdi bolady. Bul jaǵdaıda abonentterge jerseriktik qondyrǵyny kúıge keltirý kerek. О́ıtkeni, 58,5 gradýs degen jańa geostasıonarlyq pozısııa bekitilgen («Intelsat 904-ten» habar taratý kezinde 60 gradýstyq pozısııa bekitilgen bolatyn), áıtpese jerseriktik antenna qazirgi jaǵdaıynda sıgnal qabyldaı almaıdy. Ol úshin úıretýshi materıal jasalyp, beınerolık túsirildi. Ony  www.otautv.kz jáne www.kazteleradio.kz saıttarynan kórip, júktep alýǵa bolady. Eger úıde túrli sebeptermen qondyrǵyny kúıge keltiretin adam tabylmasa, ózara kelisimmen avtorlastyrylǵan dılerlerdiń kómegine júgine alady. Dılerler barlyq oblystyń barlyq aýdanynda bar. Baılanys málimetteri www.otautv.kz saıtynda kórsetilgen. Abonentterdiń nazaryna taǵy bir jaıt, abonent qondyrǵyny kúıge keltirgen soń, bul jóninde 193 nemese 7193 telefondary arqyly call-ortalyqqa, sondaı-aq óz óńirindegi Satý ortalyǵyna habarlasyp, derbesshot pen baılanys telefon nómirlerin qaldyrýy kerek. Sonda abonent kepildendirilgen syılyqqa ıe bolmaq. «Egemen-aqparat»