«Adamzattyń Abaıy»

kórmesinde ekskýrsııa úsh tilde júrgizildi Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq qoryq-murajaıy Astanada «Adamzattyń Abaıy» atty kórme ótkizdi. Abaı esimi – qa­zaq halqynyń ulttyq sana­synyń oıanýy men rýha­nı qaıta jańǵyrýynyń, qoǵam­nyń ozyq kúshteriniń órke­nıettilikke umtylysy men áleý­mettik ádildiktiń sımvoly. El basqarý isine ara­lasqan Abaı týǵan hal­qynyń turmy­syndaǵy sáýleli jáne kóleńkeli jaq­taryn túgel kórip, qazaq ómirin jan-jaq­ty erte tanıdy. О́z shy­ǵarmalarynda Abaı qazaq tirshiliginiń eń kókeıkesti máse­lelerin, mańyzdy áleýmettik, qoǵamdyq, moraldyq problemalaryn, halyqtyń taǵdyryna, ádet-ǵurpyna qatysty máselelerdi kóteredi. Sol kezeńde Semeıde ólketaný mýzeıi, Reseı geografııalyq qoǵa­mynyń bólimshesi, sanaq komıteti uıymdastyrylady. Abaı sanaq komıtetiniń, Reseı geografııalyq qoǵamy Semeı bólimshesiniń, balalary – Aqylbaı, Maǵaýııamen birge qaladaǵy Bastaýysh bilim berýge qamqorlyq qoǵamynyń mú­shesi boldy. Hakimniń qazaq balalary­na degen qamqorlyǵy búgin de jalǵasyn taýyp, Abaıdyń memle­kettik qoryq-murajaıynyń ákim­shiligi «Abaı keshi» qoǵamdyq qaıy­rymdylyq tobynyń usyny­syn qabyldap, Astana qalasynyń «Hilton Garden Inn» qonaq úıin­de «Adamzattyń Abaıy» taqy­rybynda qaıyrymdylyq kórmesin uıymdastyrdy. Kórme uly aqynnyń ómiri men shyǵarmashylyǵyna arnaldy. Kórmege Abaı dosy N.I.Dol­gopolov arqyly 1885 jy­ly Se­meıdegi ólketaný mýzeıine óz qoly­men tapsyrǵan jádigerlerdiń túpnusqasy, Abaıdyń tumar-dombyrasy jáne álem tilderindegi Abaı shyǵarmalary qoıyldy. «Abaı keshi» qaıyrymdylyq gala-keshine kelgen elshiler men kásipkerler, Atyraýdaǵy jetim balalar úıiniń tárbıelenýshileri kórmeni asa qyzyǵýshylyqpen tamashalady. Abaı qoryq-murajaı qyzmetkerleri kelgen qonaqtarǵa qazaq, orys, aǵylshyn tilderinde ekskýrsııa júrgizdi. Mundaı qaıy­rymdylyq sharalar aldaǵy ýa­qytta da jalǵasyn tabady. «Egemen-aqparat»