Vi «altyn qalam» baıqaýy bastaldy

Bas redaktorlar klýby Eýrazııalyq Toptyń (ERG)  qoldaýymen qazaq tildi jýrnalıster arasynda ótkiziletin dástúrli VI «Al­tyn qalam» baıqaýy jarııalanǵany týraly habarlaıdy. Baıqaýǵa respýblıkalyq jáne óńirlik basy­lym­­­­dardyń, teledıdar, radıo jáne ınternet basy­lym­darynyń jýrnalısteri qatysa alady. Baıqaýdyń maqsaty – qarapaıym eńbek adamdaryn búgingi beıbit zamannyń qaharmandary retinde úlgi etip, nasıhattaý. Mansaptyq joǵarylaýǵa óz eńbegimen qol jetkizgen, isker de bilikti mamandardyń tájirıbesin jurt­qa tanystyrý. Jumysshy mamandyqtaryn nasıhattaý. Baıqaý qorytyndysy men jeńimpaz­dardy marapattaý rásimi 2016 jylǵy shildede metallýrgter kúniniń qarsańynda ótedi. Baıqaýǵa qatysatyn materıaldarǵa qoıylatyn talaptar: * Baıqaýǵa qatysatyn maqalalar men vıdeo-aýdıo materıaldar óndiris­tegi eńbek adamdary, Eýrazııalyq Top kásip­oryndaryndaǵy jumysshy mamandyqtar týraly bolýy shart (janrǵa shekteý joq). *Maqalalar men aýdıo-vıdeo ma­terıaldar 2016 jylǵy 1 naýryz ben 30 maýsym aralyǵynda jarııalanýy tıis. Materıaldar «Altyn qalam» baıqaýyna» degen belgimen 2016 jylǵy 30 maýsymǵa deıin joldanady (merzimdi baspasóz materıaldary jaryq kórgen basylym túpnusqasymen birge, basylym ataýy, jaryq kórgen ýaqyty, avtordyń ózi týraly málimetter tolyq kórsetilýi kerek; elektrondy BAQ úshin – aýdıo-vıdeo materıaldar, jarııalanym men avtor týraly málimetterdi qamtıtyn efırlik anyqtamamen birge jiberilýi shart; ınternet-basylymdary úshin – materıaldyń skrınshoty, jarııalanǵan merzimi men onyń ınternettegi derek kózine silteme qosa jiberilýi kerek). * Úsh materıaldan az bolmaýy kerek (túpnusqalar), aýdıo-vıdeo materıaldar (elektrondy tasymaldaǵysh quralda); * Materıaldar 2016 jylǵy 30 maýsymǵa deıin qa­byldanady; *Maqala/sıýjet kólemine shekteý qo­ıyl­maıdy; * Materıaldar óńdelmeıdi jáne qaı­tarylmaıdy; Baıqaý materıaldaryn baǵalaý shart­tary: Konkýrstyq komıssııa materıaldardy baǵalaý barysynda tómendegi talap-sharttarǵa júginedi: * Saraptama (jýrnalıstiń óz betinshe saraptaý qabileti nazarǵa alynady). * Jan-jaqtylyq (qoǵamdyq másele­lerdi utymdy jet­kize bilý, eńbek adamynyń tájirıbesi men jetistikterin, jan-jaqty qyrynan asha bilý). * Kásibılik (málimetterdi oqyrmanǵa qyzyqty ári naqty etip jetkize bilý she­berligi, qoǵamdyq máse­le­lerden jan-jaqty saýattylyǵy). Júlde qory Baıqaýdyń júlde qory – 2 mln. teńge. Baıqaýdyń qorytyndysyna sáıkes komıssııa je­ńim­­pazdardy tómendegi atalymdar boıynsha anyq­taıdy: 1-oryn  «Úzdik maqala/sıýjet»  (2 jeńimpaz, 1-mer­zimdi baspasóz, 1-elektrondy BAQ) Jeńimpazdardyń árqaısysyna – 500 000 teńge. 2-oryn «Úzdik maqala/sıýjet» (2 jeńimpaz, 1-mer­zimdi baspasóz, 1-elektrondy BAQ) Jeńimpazdardyń árqaısysyna – 300 000 teńge. 3-oryn  «Úzdik maqala/sıýjet» (2 jeńimpaz, 1-mer­zimdi baspasóz, 1-elektrondy BAQ) Jeńimpazdardyń árqaısysyna – 200 000 teńge. Baıqaýǵa qatysýǵa nıetti BAQ ókilderi materıaldaryn «Baıqaýǵa» belgisimen myna mekenjaıǵa jiberý kerek: Astana q., Seıfýllın kóshesi, 31 úı, 204 kab. («Jetinshi arna» ǵımaraty). Baıqaýdyń erejeleri men talaptary týraly tolymdy aqparat uıymdastyrýshylardyń www.kgr.kz jáne www.erg.kz resmı saıttarynda jarııalanǵan.