Sakýra syıǵa tartyldy

«Shóp tamyry» – Japo­nııanyń polıgonnan zardap shekkenderge arnalǵan qaıyrymdylyq jobasy. Osyǵan oraı Semeıdegi №29 mektepke Japonııayń Qazaqstandaǵy Tótenshe jáne ókiletti elshisi Itıro Kavabatamen kezdesý ótti. Elshini mektepte Semeı qalasy ákiminiń orynbasary Nadejda Sharova qarsy alyp, izgi tilegin jetkizdi. Elimiz Táýelsizdik alǵannan beri Japonııamen jaqsy qarym-qatynas ornatyp, túrli baǵytta birlese jumys atqaryp keledi. Semeıdi Hırosımamen jáne Nagasakımen ózindik uqsas tarıhy baılanystyratyny barshaǵa belgili. Al Japonııanyń ozyq jobalary qaladaǵy birqatar áleýmettik máselelerdi sheshýge oń yqpalyn tıgizýde. Osy sebepti N.Sharova Japonııa tarapyna búkil semeılikter atynan rızashylyǵyn bildirdi. I.Kavabata óziniń júrekjardy lebizin aıtty: «Shóp tamyry» – álemdegi adamzat qaýipsizdigin qamtamasyz etýge laıyqtalǵan, shaǵyn kólemdegi qarjysy qaıta­rymsyz áleýmettik baǵdarlama. Bul halyqtyń áleýmettik-ekono­mıkalyq damýyna tikeleı yqpal etetin jobalardy qoldaýǵa ba­ǵyttalǵan. Joba arqyly Semeı­de de birqatar jumys atqa­ryl­dy. Mine, kúrdeli jóndeý ju­mystarynan keıin mektepte qystyń kúnderi jyly bolatyn­dyǵyn aıtyp ata-analar, us­tazdar qýanyp jatyr. Jas urpaq­tyń bilim alýyna eshqandaı keder­giler týyndamaýy tıis. Qym­batty oqýshylar! Endi sizder sabaqtaryńyzdy jaqsy oqyp, keleshekte óz elderińizdiń bilimdi azamaty bolyp shyǵyńyzdar», – dedi elshi óziniń sózinde. Osylaı degen I.Kavabata №29 mektep oqýshylaryna Japonııa jaıly jazylǵan birneshe jýrnaldy syıǵa tartty. Al mektep dırektory G.Tóleýbaeva Japonııa halqyna pedagogıkalyq ujym atynan mektep beınelengen albom syılady. Joǵary synyp oqýshylary mekteptiń jumysy jaıly úsh tilde áńgimelep berdi. Budan keıin Japonııa elshisi jobanyń bilim oshaǵynda júzege asyrylýy barysymen tanysty. 1997 jyldan beri «Shóp tamyry» boıynsha elimizde túrli salany qamtıtyn 80-ge tarta jumys atqarylypty. Onyń 12-si Semeıde qolǵa alyndy desek, biri osy №29 orta mektepte júzege asyrylyp otyr eken. Jıyn sońynda qurmetti qonaq úshin ár tilde ánder oryndalyp, bıler bılendi, kúıler shertildi. I.Kavabata mektep aýlasyna estelik retinde pıramıdalyq terek otyrǵyzdy. Mektep ishine ekskýrsııa jasaý barysynda bastaýysh synyp oqýshylary oǵan kıeli sakýra butaǵyn syılady. Raýshan NUǴMANBEKOVA SEMEI