Qazaqstan Respýblıkasy Energetıka mınıstrliginiń buıryǵy  №130 

2015 jylǵy 23 aqpan,Astana qalasy Teńizde, ishki sý aıdyndarynda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý qaǵıdasyn bekitý týraly «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańy 18-babynyń 11) tarmaqshasyna sáıkes buıyramyn: 1. Qosa berilip otyrǵan Teńizde, ishki sý aıdyndarynda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý qaǵıdasy bekitilsin. 2. Qazaqstan Respýblıkasy Energetıka mınıstrliginiń Munaı-gaz keshenindegi ekologııalyq retteý, baqylaý jáne memlekettik ınspeksııa komıteti zańnamada belgilengen tártippen: 1) Qazaqstan Respýblıkasynyń Ádilet mınıstrliginde osy buıryqtyń memlekettik tirkelýin; 2) Qazaqstan Respýblıkasynyń Ádilet mınıstrliginde onyń memlekettik tirkelgeninen keıin kúntizbelik on kún ishinde osy buıryqty resmı jarııalaýǵa «Ádilet» aqparattyq quqyqtyq júıesine, sonymen birge merzimdi baspa basylymdaryna joldanýyn; 3) osy buıryqty Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin. 4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Energetıka mınıstri V.ShKOLNIK «KELISILGEN» Qazaqstan Respýblıkasy Aýyl sharýashylyǵy mınıstri ______________A. Mamytbekov 2015 jylǵy 13 naýryz «KELISILGEN» Qazaqstan Respýblıkasy Investısııalar jáne damý mınıstri ________________Á. Isekeshev 2015 jylǵy 27 aqpan Qazaqstan Respýblıkasy Energetıka mınıstriniń 2015 jylǵy 23 aqpandaǵy №130 buıryǵymen bekitilgen Teńizde, ishki sý aıdyndarynda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý QAǴIDASY 1. Jalpy erejeler 1. Osy Teńizde, ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý qaǵıdasy (budan ári - Qaǵıda) «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańyna (budan ári - Zań), Qazaqstan Respýblıkasynyń Ekologııalyq kodeksine (budan ári - Kodeks) jáne «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańyna sáıkes ázirlendi jáne teńizde, ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý tártibin anyqtaıdy. 2. Teńiz ben ishki sý aıdyndardaǵy munaı operasııalary munaıdy barlaý, óndirý, qajetti tehnologııalyq jáne ilespe obektilerdi salý jáne (nemese) paıdalaný jónindegi jumystardy qamtıdy. 3. Kaspıı jáne Aral teńizderiniń qazaqstandyq sektoryndaǵy jer qoınaýy ýchaskelerinde jáne Qazaqstan Respýblıkasynyń ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalary belgili bir tereńdikpen shektelýi múmkin. 2. Teńizde, ishki sý aıdyndarda, tótenshe ekologııalyq jaǵdaı aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý tártibi 4. Teńizde, ishki sý aıdyndarynda, tótenshe ekologııalyq jaǵdaılar aımaqtarynda jáne erekshe qorǵalatyn tabıǵı aýmaqtarda munaı operasııalaryn júrgizý múmkindigi týraly jalpy ruqsatty memlekettik ekologııalyq saraptama qorytyndysy negizinde Qazaqstan Respýblıkasy Úkimetiniń usynýy boıynsha Qazaqstan Respýblıkasynyń Prezıdenti beredi. 5. Sý obektilerinde jáne olardyń sý qorǵaý aımaqtarynda jumystardy júrgizý tártibi Qazaqstan Respýblıkasy Sý Kodeksiniń 126-babyna sáıkes júzege asyrylady. 6. Jobalaý qujattarynyń kórsetkishterin ózgertken kezde jer qoınaýyn paıdalanýshy jumys baǵdarlamasyna tıisti ózgerister engizedi. Jobalaý qujattary (olarǵa ózgerister jáne/nemese tolyqtyrýlar) jer qoınaýyn zerdeleý jáne paıdalaný jónindegi ýákiletti organ bekitkenge deıin Paıdaly qazbalardy barlaý jáne ıgerý jónindegi ortalyq komıssııada qaralady. Paıdaly qazbalardy barlaý jáne ıgerý jónindegi ortalyq komıssııa qaralǵan jobalaý qujattaryn bekitýge usynǵan kezde jer qoınaýyn zerdeleý jáne paıdalaný jónindegi ýákiletti organ jobalaý qujattaryn bekitedi. 7. Jer qoınaýyn paıdalanýshy teńizde munaı operasııalaryn júrgizý kezinde bul operasııalardy teńiz keme qatynasyna, balyq aýlaýǵa jáne ádette, Zańnyń 93-babyna sáıkes teńizdiń naqty ýchaskesinde júzege asyrylatyn ózge de zańdy qyzmetke kedergi men zııan keltirmeıtindeı etip júzege asyrady. Teńizde munaı operasııalaryn júzege asyratyn jer qoınaýyn paıdalanýshy Zańnyń 93-babyna sáıkes teńizdiń lastanýyn boldyrmaý jónindegi arnaýly baǵdarlamalardy ázirleıdi jáne olardy jobalaý qujattarynyń quramynda bekitedi. Bul baǵdarlamalar: 1) júrgiziletin munaı operasııalaryn ishki baqylaý; 2) personaldy oqytý; 3) uńǵymalardy baqylaýǵa alý, avarııalyq jáne ózge de qaýipti jaǵdaılar týyndaǵan jáne teńiz lastanǵan jaǵdaıda qajetti jabdyqtarmen jáne materıaldarmen qamtamasyz etý; 4) teńizde avarııalardy jáne olardyń zardaptaryn joıýǵa mamandanǵan ózge de uıymdardy tartý; 8. Qazaqstan Respýblıkasynyń Úkimeti belgilegen Kaspıı teńiziniń soltústik bóligindegi memlekettik qoryq aımaǵy sheginde fýnksıonaldyq aımaqqa bólý negizinde Kodekstiń jáne «Erekshe qorǵalatyn tabıǵı aýmaqtar týraly» Qazaqstan Respýblıkasynyń 2006 jylǵy 7 shildedegi Zańynyń talaptaryna sáıkes sharýashylyq nemese ózge qyzmetke tolyq tyıym salynǵan jáne jumystardyń jekelengen túrlerin júrgizýge qosymsha ýaqytsha shekteýler salynǵan qoryqtyq ýchaskeler bólinedi. Ken oryndaryn paıdalanǵan kezde Kaspıı teńizdiń soltústik bóligindegi memlekettik qoryq aımaǵynda munaı tasymaldaý Qazaqstan Respýblıkasynyń ekologııalyq zańnamasynda belgilengen talaptar saqtalǵan jaǵdaıda qubyr joldar arqyly júzege asyrylady. 9. Tótenshe ekologııalyq jaǵdaı aımaqtarynda munaı operasııalaryn júrgizý Kodekstiń 176-babynda belgilengen quqyqtyq rejımdi saqtaýmen júzege asyrylady. 10. Jer qoınaýyn paıdalanýshylarmen teńizdegi, ishki sý aıdyndardaǵy, tótenshe ekologııalyq jaǵdaı aımaqtaryndaǵy jáne erekshe qorǵalatyn tabıǵı aýmaqtardaǵy munaı operasııalary Zańnyń 19-babynyń 5) tarmaqshasyna sáıkes bekitiletin paıdaly qazbalardy barlaý men óndirý kezinde jer qoınaýyn utymdy jáne keshendi paıdalaný jónindegi talaptaryna sáıkes júrgiziledi. Buıryq Qazaqstan Respýblıkasynyń Ádilet mınıstrliginde 2015 jylǵy 17 sáýirde Normatıvtik quqyqtyq kesimderdi memlekettik tirkeýdiń tizilimine №10756 bolyp engizildi.