Qazaqstan Respýblıkasy Qarjy mınıstrliginiń buıryǵy  №270

2015 jylǵy 13 sáýir, Astana qalasy «Qazaqstan Respýblıkasy Qarjy Mınıstrliginiń Memlekettik satyp alý komıteti týraly erejeni bekitý týraly» Qazaqstan Respýblıkasy Premer-Mınıstriniń orynbasary − Qazaqstan Respýblıkasy Qarjy Mınıstriniń 2014 jylǵy 23 sáýirdegi № 182 buıryǵyna ózgerister engizý týraly «Memlekettik satyp alý týraly» 2007 jylǵy 21 shildedegi Qazaqstan Respýblıkasy Zańynyń 1-baby 19-1) tarmaqshasyna jáne «Qazaqstan Respýblıkasy Qarjy mınıstrliginiń keıbir máseleleri týraly» Qazaqstan Respýblıkasy Úkimetiniń 2008 jylǵy 24 sáýirdegi № 387 qaýlysyna sáıkes buıyramyn: 1. «Qazaqstan Respýblıkasy Qarjy Mınıstrliginiń Memlekettik satyp alý komıteti týraly erejeni bekitý týraly» Qazaqstan Respýblıkasy Premer-Mınıstriniń orynbasary − Qazaqstan Respýblıkasy Qarjy Mınıstriniń 2014 jylǵy 23 sáýirdegi № 182 buıryǵyna (Normatıvtik quqyqtyq aktilerdi memlekettik tirkeý tiziliminde № 9405 bolyp tirkelgen, 2014 jylǵy 13 mamyrda «Ádilet» aqparattyq-quqyqtyq júıesinde jarııalanǵan) mynadaı ózgerister engizilsin: kórsetilgen buıryqpen bekitilgen Qazaqstan Respýblıkasy Qarjy mınıstrliginiń Memlekettik satyp alý komıteti týraly erejede: 1-tarmaq jańa redaksııada jazylsyn: «1. Qazaqstan Respýblıkasy Qarjy mınıstrliginiń Memlekettik satyp alý komıteti (budan ári − Komıtet) ortalyq atqarýshy organnyń quzyreti sheginde bıýdjettik baǵdarlamalar ne taýarlar, jumystar, kórsetiletin qyzmetter boıynsha biryńǵaı memlekettik satyp alýdy uıymdastyrý jáne ótkizý rásimderin oryndaý salasyndaǵy iske asyrý fýnksııalaryn júzege asyratyn Qazaqstan Respýblıkasy Qarjy mınıstrliginiń vedomstvosy bolyp tabylady.»; 12, 13 jáne 14-tarmaqtar jańa redaksııada jazylsyn: «12. Komıtettiń mıssııasy bıýdjettik baǵdarlamalar ne taýarlar, jumystar, kórsetiletin qyzmetter boıynsha biryńǵaı memlekettik satyp alýdy uıymdastyrý jáne ótkizý rásimderin oryndaý bolady. 13. Bıýdjettik baǵdarlamalar ne taýarlar, jumystar, kórsetiletin qyzmetter boıynsha biryńǵaı memlekettik satyp alýdy uıymdastyrý jáne ótkizý rásimderin oryndaýdy qamtamasyz etý Komıtettiń mindeti bolyp tabylady. 14. Komıtettiń fýnksııalary: 1) bıýdjettik baǵdarlamalar ne taýarlar, jumystar, kórsetiletin qyzmetter boıynsha biryńǵaı memlekettik satyp alýdy uıymdastyrý jáne ótkizý rásimderin oryndaýdy júzege asyrý; 2) memlekettik satyp alýdy uıymdastyrýǵa jáne ótkizýge tapsyrys berýshi usynǵan, elektrondyq memlekettik satyp alýdy júrgizý qaǵıdalarynda belgilengen qujattardy qamtıtyn tapsyrmany qaraý; 3) konkýrstyq nemese aýksıondyq qujattamany tapsyrys berýshi usynǵan tapsyrma negizinde ázirleý jáne bekitý; 4) tapsyrys berýshiniń ókilderi kiretin konkýrstyq ne aýksıondyq komıssııanyń quramyn anyqtaý jáne bekitý; 5) konkýrstyq nemese aýksıondyq qujattamaǵa ózgerister jáne (nemese) tolyqtyrýlar engizý; 6) memlekettik satyp alýdy ótkizý týraly habarlandyrýdy ornalastyrý; 7) tapsyrys berýshige, memlekettik satyp alý veb-portalynda avtomatty túrde tirkelgen, memlekettik satyp alý týraly sharttyń jobasyna konkýrstyq nemese aýksıondyq qujattamany jáne (nemese) konkýrstyq nemese aýksıondyq qujattamanyń tehnıkalyq ereksheligin alǵan tulǵalardy tirkeý jýrnalyna engizilgen tulǵalar tarapynan usynystar men eskertýlerdi jiberý; 8) konkýrs nemese aýksıon tásilimen memlekettik satyp alý jeńimpazyn anyqtaý; 9) zańnamalarda kózdelgen jaǵdaılarda memlekettik satyp alýdyń áleýetti ónim berýshilerin josyqsyz qatysýshylar dep taný týraly sotqa qýyný talaptaryn jiberý; 10) konkýrstyq qujattama men aýksıondyq qujattamanyń erejelerin túsindirý; 11) jeke jáne zańdy tulǵalardyń ótinishterin qaraý fýnksııalaryn júzege asyrady; 12) memlekettik satyp alý salasynda tizilimderdi qalyptastyrýdy jáne júrgizýdi júzege asyrý; 13) Qazaqstan Respýblıkasy normatıvtik quqyqtyq aktileriniń jáne halyqaralyq sharttarynyń jobalaryn Qazaqstan Respýblıkasy Qarjy mınıstrliginiń quzyreti sheginde ázirleýge qatysý; 14) adam men azamattyń quqyqtary men bostandyqtaryn qozǵaıtyn normatıvtik quqyqtyq aktilerdi qospaǵanda, Komıtettiń quzyretine kiretin máseleler boıynsha jáne Qazaqstan Respýblıkasy Qarjy mınıstrliginiń aktilerinde olardy bekitý boıynsha tikeleı quzyreti bolǵan kezde normatıvtik quqyqtyq aktilerdi bekitý.»; 20-tarmaq jańa redaksııada jazylsyn: «20. Komıtet tóraǵasy: 1) óziniń orynbasarlarynyń jáne Komıtettiń qurylymdyq bólimsheleriniń mindetterin jáne ókilettikterin aıqyndaıdy; 2) zańnamaǵa sáıkes Komıtet qyzmetkerlerin qyzmetke taǵaıyndaıdy jáne qyzmetten bosatady; 3) zańnamada belgilengen tártippen tártiptik jaza qoldanady; 4) Komıtettiń qurylymdyq bólimsheleri týraly erejeni bekitedi; 5) Komıtettiń Quqyqtyq qamtamasyz etý basqarmasyna jetekshilik etedi; 6) Qazaqstan Respýblıkasy Qarjy mınıstrliginiń shtat sanynyń lımıti sheginde Komıtettiń shtattyq kestesin bekitedi; 7) zańnamada belgilengen tártippen Komıtet qyzmetkerlerin issaparǵa jiberý, olarǵa demalys berý, materıaldyq kómek kórsetý, daıarlaý (qaıta daıarlaý), biliktiligin arttyrý, kótermeleý, ústeme tóleý jáne syılyqaqy berý máselelerin sheshedi; 8) Komıtettiń buıryqtaryna qol qoıady; 9) zańnamaǵa sáıkes Komıtetti barlyq memlekettik organdarda jáne ózge uıymdarda bildiredi; 10) sybaılas jemqorlyqqa qarsy is-qımyl boıynsha derbes jaýapkershilikte bolady; 11) Qazaqstan Respýblıkasynyń zańnamasyna sáıkes ózge de ókilettikterdi júzege asyrady.». 2. Qazaqstan Respýblıkasy Qarjy mınıstrliginiń Memlekettik satyp alý komıteti (K.N. Abdýllaev) zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkeýden ótkennen keıin kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýyn; 3) osy buıryqty Qazaqstan Respýblıkasy Qarjy mınıstrliginiń ınternet-resýrsyna ornalastyrýdy qamtamasyz etsin. 3. Osy buıryq alǵashqy resmı jarııalanǵan kúninen keıin qoldanysqa engiziledi. Qazaqstan Respýblıkasynyń Qarjy mınıstri B.SULTANOV Buıryq Qazaqstan Respýblıkasynyń Ádilet mınıstrliginde 2015 jylǵy 12 mamyrda Normatıvtik quqyqtyq kesimderdi memlekettik tirkeýdiń tizilimine №11016 bolyp engizildi.