Fýtbol. Amerıka Kýbogy. Brazılııa shırek fınalǵa shyǵa almady

AQSh-ta fýtboldan ótip jatqan Amerıka Kýbogy jarysynda komandalar toptyq týrnırdegi sońǵy matchtaryn ótkizip jatyr. A tobynda AQSh pen Kolýmbııa shırek fınalǵa shyqty. Alań ıeleri úshinshi kezdesýinde Paragvaı quramasyn 1:0 esebimen jeńse, Kolýmbııa oıda joqta Kosta-Rıka komandasynan ese jiberdi. Osy oıynǵa deıin Ońtústik Amerıkanyń quramasy shırek fınaldyń máselesin sheship qoıǵan bolatyn. Sondyqtan Kolýmbııa úshin match asa mańyzdy bolǵan joq. Bul kezdesý óte shıelenisti jaǵdaıda ótti.  Onda kolýmbııalyq Fabra qarsylastar qaqpasyna gol soǵyp qoımaı, óz qaqpasyna da dop soqty. Sonyń kesirinen birinshi taımnyń sońynda Kosta-Rıka 2:1 esebimen alǵa shyqty. Al 58 mınýtta kosta-rıkalyqtar úshinshi dopty torǵa týlatyp, oıyn sońyna deıin jeńisti qoldan bermeýge tyrysty. Matchtyń 73 mınýtynda Kolýmbııa esepti bir ǵana golǵa qysqartty. Basqaǵa shamasy kelmedi. V tobynda Perý jankúıerlerine «tosyn syı» jasady. Olar Brazılııany 1:0 esebimen jeńip, shırek fınalǵa shyqty. Kezdesýde bas tóreshi perýandyqtardyń qolmen soqqan dobyn sanap jiberdi. Sonyń kesirinen «Pentakampeondar» jarys jolynan shyǵyp qaldy. Osy topta Perý men Ekvador kelesi aınalymǵa shyqty. Ekvador Gaıtıdi 4:0 esebimen utty. Erteń S tobynyń oıyndary bolady. Meksıka Venesýelamen, Ýrýgvaı Iаmaıkamen kezdesedi. Bul matchtar eshteńeni sheshpeıdi. О́ıtkeni, Meksıka men Venesýela 6 upaıdan jınap, kelesi aınalymǵa shyǵyp qoıǵan. Odan keıin D tobynyń sońǵy kezdesýleri ótedi. Onda Chılı men Panama quramalarynyń arasynda naǵyz tartys bolaıyn dep tur. Eki komandanyń da 3 upaıy bar. Argentınada 6 upaı. Olar shırek fınaldyń máselesin ótken týrda sheshken. Endi Chılı Bolıvııany jeńse ¼ fınalǵa joly ashylady. Al Panamaǵa kelesi aınalymǵa shyǵý úshin «Albıseleste» quramasyn jeńý kerek. Ol árıne, ońaı emes. Qysqasy, Amerıka Kýbogy týrnıri Eýropa chempıonaty sııaqty qyzyqty jáne tartysty ótip jatyr. Keshegi Perý – Brazılııa matchtynda oınyshynyń qolmen soqqan golynan keıin tartys odan saıyn qyza tústi. Týrnırde A jáne V tobynyń oıyndarynan keıin shırek fınalǵa shyqqan komandalar qarsylastaryn anyqtady. ¼ fınalda AQSh Ekvadormen, Perý Kolýmbııamen kezdesedi. Taǵy eki oıynda kezdesetin komandalar erteń anyqtalady. Dastan Kenjalın. Foto: telegraf.com.ua Vıdeo: vkontakte áleýmettik jelisi.