Brazılııany jarystan shyǵarǵan gol qolmen soǵylǵan (vıdeo)

AQSh-ta ótip jatqan Amerıka Kýbogy jarysynda Perý quramasynan 0:1 esebimen utylyp qalyp, 1983 jyldan beri birinshi ret pleı-offtan asa almaǵan Brazılııa quramasynyń taǵdyryn sheshken jalǵyz goldyń qolmen soǵylǵany belgili boldy. Matchtaǵy jalǵyz goldy Perý quramasynyń shabýylshysy Raýl Rýıdıas 75-mınýtta salǵan. Forvard ony quddy 1986 jylǵy álem chempıonatyndaǵy Maradona sııaqty qolymen qaqpa ishine buryp jibergen. Tártip buzýshylyqtyń aıdan anyq kózge uryp turǵanyna qaramastan, ýrýgvaılyq tóreshi Andreas Kýnıa osy goldan keıin alań ortasyn kórsetken. Demek, goldyń soǵylǵanyn tánge alǵan. Budan keıin brazılııalyqtardyń esepti teńestirýge jumsalǵan kúsh-jigerinen eshteńe shyqqan joq. Osy jeńilisten keıin Brazılııa óz tobynda Perý men Ekvadordan keıingi 3-orynǵa jaıǵasty. Sóıtip, kelesi kezeńge shyǵa almady. Al aldaǵy tamyz aıynda Dýnganyń shákirtteri óz elinde ótetin Olımpııalyq oıyndarda altyn medal úshin kúreskeli otyr. Pentakampeondar quramyn Oıyndarda Neımar kúsheıtetin bolady. AQSh-ta ótip jatqan Amerıka Kýbogy 26 maýsymda márege jetedi. Damır Qojamqul. Derek, foto: Life.ru https://youtu.be/iWWOmyL08_E