IýNESKO-nyń halyqaralyq

Ál-Farabı atyndaǵy QazUÝ ǵalymdary men BUU, IýNESKO ókilderiniń birlesken máji­li­sinde ýnıversıtet rektory Ǵalymqaıyr Mutanov IýNESKO-nyń bas dırektory Irına Bokovanyń qoly qoıylǵan, ýnıversıtette turaqty damý boıynsha IýNESKO ha­lyq­ara­­lyq kafedrasynyń ashylýyn resmı túrde rastaıtyn qujatty saltanatty túrde resimdedi. Is-sharada Qazaqstan, Qyr­ǵyz­stan, Tájikstan jáne О́zbekstan boıynsha IýNESKO klaster bıýrosynyń Almatydaǵy dırektory Andreı Shevelev jańa IýNESKO kafedrasynyń sapaly bilim berý, genderlik teńdik, laıyqty jumys pen ekonomıkalyq damý, turaqty qalalar, klımat ózgerisimen kúres, ekojúıelerdiń saqtalýy, birlik pen yntymaqtastyqty alǵa tartý syndy turaqty damý maqsattaryna jetýde mańyzdy ról atqaratynyn atap ótti. Sondaı-aq, Qazaqstan komıs­sııa­­synyń IýNESKO jáne ISEKO jumystary boıynsha bas hatshysy Ásel О́tegenova ýnı­versıtettiń turaqty damý sheshimine qosqan úlesin atap ótse, Irına Bokova hanym: «Turaqty damý boıynsha maq­sat­tar­dy tabysty iske asyrý tek kóshbasshylardyń moınyndaǵy jumys emes, eń aldymen azamat­tyq qoǵamnyń jumysy» ekendigin atap kórsetti. BUU-nyń Almaty boıynsha qoǵamdyq aqparat depar­tamentiniń dırektory Vlastımıl Samek ýnıversıtetti atalmysh kafedranyń ashylýymen quttyq­taı otyryp, bul qadamnyń jas­tar­dyń múmkindikterin arttyryp, áleýmettik ınnovasııalar men ózgeristerge, álemdik mádenıettiń qalyptasýyna óz septigin tıgi­zetinine senim bildirdi. Gúlzeınep SÁDIRQYZY, «Egemen Qazaqstan» Ýnıversıtet rektory  atalmysh kafedra demokratııa­lyq qundylyqtar, sonyń ishinde, toleranttylyq, plıýralızm, adam quqyǵyn qurmetteý, bostan­dyq uǵymdary alǵa qoıylatyn pikirtalas alańy bolatynyn rastady. IýNESKO kafedrasy qyzmeti sheńberindegi jobalardy iske asyrý turaqty damý aınalasynda memleket pen aýdan áleýetin arttyrýǵa qoldaý kórsetý baǵytyndaǵy bastamalarǵa jańa serpin bolary anyq. ALMATY