Ata-analar alańdamasyn

1994 jyly Pavlodar obly­synyń Ekibastuz qalasyndaǵy №26 gımna­zııa-mektebin Prezıdent Nursultan Nazarbaevtyń ózi kelip ashqan edi. Bul sol shaqta óńirimizde alǵash ret boı kótergen qazaq mektebi bolatyn. Jeńis Meıirman bastaǵan til jana­shyrlary, ata-analar osy qazaq mektebiniń taǵdyryna alań­dap, «Egemenge», oblystaǵy tilshiler qosynyna hat jazǵan edi. Hat jazǵandardyń arasynda №26 gımnazııa-mektebinde qyzmet etken ustazdar da bar. Alańdaýlaryna sebep: gımnazııa mekteptiń birinshi qabaty túrik lıseıine berilip, lıseı oqýshylary 2015-2016 oqý jylynda oqyp shyǵady. Bul – osy mektep negizinde túrik lıseıi ashylady degen sóz. Máseleniń mánisi osy. Iаǵnı, oblystyq bilim basqarmasy ata-analar, ustazdar tarapynan alańdaýshylyq týdyrǵan bul máseleni naqty zerttep, jumys júrgizbegen bolyp otyr. «О́ıtkeni, – deıdi hat ıeleri, – №26 gımnazııa-mektebiniń oqýshylary búgingi kúnge deıin eki aýysymda oqyp keldi. Mektepke syımaǵan oqýshylar amalsyzdan aralas mektepterde oqyp júr. Qalamyzda bir aýysymda bilim beretin, bos kabınetteri jeterlik basqa da mektepter bar. Nege qazaq tilinde bilim beretin gımnazııa-mek­tebi lıseıge berilmekshi?». Suraq osy. Bul gımnazııa – oblystaǵy qazaq mektepteriniń arasynda «Ana tili» gımnazııa-mektebsyn júzege asyratyn tirek mektebi. Respýblıkalyq «Bilim uıasy-2001» konkýrsynda «Tańdaýly jyl mektebi» atandy. Osy jyldar ishinde mektepti «Altyn belgige» – 5, úzdik attestatqa 23 túlek bitirdi. «...Bizdiń kóńilimizge keletini, buǵan deıin oblystyq bilim basqarmasyna osy máselege narazy­lyq bildirip hat jazǵanymyzda, «túrik lıseıin Ekibastuzdaǵy bilim sapasy tómendep ketkendikten ashyp otyrmyz» degen maǵynada jaýap berdi. «Ekibastuzda jańadan ashylatyn «№36 lıseı-mektebine №26 gımnazııa-mektebiniń 200 oqýshysy barýǵa múddeli» delin­gen. Al, biz osy hat boıynsha oblystyq bilim basqarmasyna habarlasyp, tó­men­degideı jaýap aldyq: «Ekibastuzda «Oblystyq daryndy balalarǵa arnalǵan kópsalaly lıseıi» oblys ákimdiginiń 2015 jyldyń 3 shildedegi № 185/6 qaýlysyna oraı ashyldy. Qala ákimdiginiń kelisimi boıynsha jańa­dan ashylǵan lıseıge №26 orta mektebi ǵımaratynyń jartysy (1-qabat, 6 kabınet) berildi. Kópsalaly lıseıdi ashýdaǵy maq­sat – qazirgi zaman talaby. Qazirgi ýaqytta oblys­tyq daryndy balalarǵa arnalǵan mamandandyrylǵan Pavlodardaǵy mektepterde 170-ten astam Ekibastuz qala­sy men aýyldyq aýmaqtardyń oqýshylary bilim alýda. О́tken jyldyń basynda tek qazaq-túrik lıseılerinde ekibastuzdyq 119 oqýshy (jalpy oqýshylardyń 24,2 paıyzyn quraıdy) bilim aldy. Bul ata-analardyń balalaryn daryndy balalarǵa arnalǵan mektepterde oqytýǵa degen suranysyn, Ekibastuzda sondaı mektepter qataryn arttyrý qa­jettiligin kó­rsetip otyr. Sondyq­tan, qazaq ti­linde bilim beretin jańa lıseıde sapaly bilim alýǵa barlyq jaǵdaı jasaldy. Jalpy, qalada eki mekteptiń bir ǵımaratta bilim berý tájirıbesi bar. Iаǵnı, bilim berý standartyna saı, eki mektep ornalasqan ǵı­marat synyptardyń tolyǵýyna qaraı sanıtarlyq erejeleri men normalarynyń talaptaryna sáıkes qyzmet etedi. Al №26 gımnazııa-mek­tebiniń ata-analary arasynda aldyn ala júrgizilgen saýaldamanyń qory­tyndysy boıynsha 200-den astam oqýshy osy kúzde paıdalanýǵa beriletin jańa mektepte oqyǵylary keledi eken. Bolashaqta balalary zamanaýı ǵımaratta bilim alǵanyn qalaıtyn ata-analar sany artatyny sózsiz» delingen hatta. Ekibastuzdyq ustazdar, ata-analar jazǵan hatqa oraı biz ob­lystyq bilim berý basqarmasynyń bas­shysy Baqyt Bekseıitovanyń qabyldaýynda bolǵanymyzda, «Alańdaýǵa esh negiz joq», dedi. Atalǵan lıseıdiń №26 gımnazııa-mektebiniń ǵıma­ratynan basqa jerge aýystyrylatynyn jet­kizdi. Bilim berý basqarmasy atynan peda­gogıkalyq ujymǵa bilim berý jú­ıesinde oryn alǵan máse­lege nazar aýdarǵandary úshin alǵys bil­dirdi. Farıda BYQAI, «Egemen Qazaqstan» Pavlodar oblysy