Qurmetti konsýldardyń kezdesýi

Gras qalasynda (Avstrııa) Qazaqstannyń Ortalyq jáne Shyǵys Eýropa memleketterindegi (Avstrııa, Germanııa, Slovakııa, Slovenııa jáne Italııa) Qurmetti konsýldarynyń alǵashqy kezdesýi ótti. Ony Qazaqstannyń Gras qalasyndaǵy Qurmetti konsýly Gıýnter Nebel men Qazaqstannyń Avstrııadaǵy elshiligi birlesip uıymdastyrdy. Kezdesýdiń maqsaty Qazaq­stannyń Eýropadaǵy qoǵamdyq ókilderi arasynda baılanys­tar ornatý jáne tájirıbe alma­sý boldy. Qazaqstannyń Avs­trııadaǵy elshisi Qaırat Sary­baı óziniń sózinde elimizdiń shtat­­t­an tys konsýldarynyń róli men maq­sattary, Qazaqstan men Eýropa arasyndaǵy qarym-qaty­nas­tardyń ahýa­ly men pers­pek­­tı­valary, Otany­myz­­­dyń soń­ǵy halyqaralyq bas­­­ta­­m­a­la­ry, olardyń ishin­de «Álem. XXI ǵasyr» manı­fesi men Qa­zaq­stannyń ishki saıa­sı ómiri­niń mańyzdy oqı­ǵa­lary týra­ly aıtty, sondaı-aq, bes ıns­­tı­týt­tyq reformany iske asyrý­dyń «100 naqty qadam» Ult Jospary­nyń negizderine erekshe nazar aýdardy. Qazaqstannyń Avstrııadaǵy Qurmetti konsýldarynyń dýaı­eni G.Nebel jınalǵan­dar­dy ózi basshylyq etetin Qur­met­ti kon­sýl­dyqtyń Qazaq­stan men Avst­rııa arasyndaǵy baı­la­nys­ta­­r­dy tereńdetý men keńeı­tý boıyn­sha maqsattaryn iske asyrýdaǵy, sonyń ishinde Shy­ǵys Qazaqstan oblysy men Shtırııa federaldyq jeri ara­syn­daǵy óńiraralyq ynty­maq­tas­tyq ornatýdaǵy jumysymen tanystyrdy. Kezdesý barysynda EKSPO-2017 halyqaralyq maman­­dan­dyrylǵan kórmesiniń jáne Avstrııada mádenıet sala­synda iske asyrylatyn «Qazaq­stannyń injý-marjandary – Uly Dala saryny» joba­sy­nyń tusaýkeserleri uıymdas­tyryldy. Qurmetti konsýldar jumys­tarynyń tájirıbesi týraly aqparatpen almasty, ózderiniń jumystarynda júıeli qarym-qatynas arqyly sınergııaǵa qol jetkizý jaıyn qoldady. «100 naqty qadam» Ult Josparynyń maqsattaryn oryndaýdyń joldaryna basa nazar aýdaryldy. Kezdesýge qatysýshylar bul strategııalyq qujat Qazaqstandy damýdyń jańa shyńdaryna shyǵarýǵa múmkindik beretinine senim bildirdi. Is-shara Eýropanyń ortalyq jáne shyǵys óńirlerindegi qurmetti konsýldar arasyn­da baılanystar ornatý men ózara is-qımylǵa negiz qalaý­ǵa múmkin­dik berip, shetelder­de Qazaq­stannyń shtattan tys konsýly ınstıtýtyn qoldanýdyń múm­kindigin arttyrýǵa óz úlesin qosatyn bolady. «Egemen-aqparat»