Úkimet jumysty shıratty

Keshe Premer-Mınıstr Kárim Másimovtiń tóraǵalyǵymen Úkimettiń selektorlyq rejimdegi kezekti otyrysy ótti. Onda negizinen bıznesti damytý jáne qoldaý, sondaı-aq, múlikti jarııa etý máseleleri qaralýy kerek edi. Jıyn Aqordada ótken keńesten keıin bolǵandyqtan, kún tártibi budan da tolyǵa tústi. Nátıjesinde Úkimet múshelerine eldiń qazirgi saıası-ekonomıkalyq, áleýmettik ahýalyna baılanysty birqatar naqty tapsyrmalar júkteldi. Otyrys Asqar Myrzah­metov­tiń Aýyl sharýashylyǵy mınıstr­ligimen qosa, Premer-Mınıstr­diń orynbasary bolyp taǵaı­yndalýyna oraı quttyqtaýdan bastaldy. A.Myrzahmetov óz keze­ginde Elbasynyń artqan senimine alǵysyn aıtyp, júktelgen jaýap­kershilikti oryndaýǵa bar kúsh-jigerin, bilim-biligin jumsaı­tynyn jetkizdi. Al K.Másimov endigi rette orynbasarlar ara­syndaǵy mindetter bólinisin qaı­ta qarap, onyń ishinde aýyl sharýa­shylyǵyna, óńirlik damýǵa baıla­nysty máselelerdi, sondaı-aq Jer reformasy jónindegi komıs­sııaǵa qatysty jetekshilikti de A.Myrzahmetovke júkteý kerek­tigi jóninde aıtyp ótti. Odan ári Úkimet basshy­sy Aq­ordada ótken Jańǵyrtý jónindegi ulttyq komıssııa qyzmetiniń aralyq qorytyndylaryna arnal­ǵan keńeste qaralǵan máselelerge qys­qasha toqtaldy. Onda elimizde júzege asyrylyp jatqan 5 refor­manyń, «100 naqty qadam» Ult Josparynyń oryndalý barysy jaıynda Elbasyna esep beril­genin, soǵan oraı Prezıdent Úki­metke naqty tapsyrmalar júk­tegenin jetkizdi. Osy rette Úkimet jumysynda qazirgi kezeń­degi ekonomıkalyq saıasatqa qatys­ty Memleket basshysynyń keli­simimen birqatar túzetýler bolatynyn málimdedi. Máselen, mu­naı óndirý kó­le­min arttyrý maqsatynda ju­mys­tar júrgizilýi kerek. Bul rette Úkimet basshysy Energetıka mın­ıstri­ne jáne «Qaz­MunaıGaz»-ǵa birqatar tapsyrma berdi. «Sizder munaı óndirý kóleminiń jospardaǵy 74 mıllıonyn 75 mıllıon tonnaǵa deıin arttyrýdy qamtamasyz etýlerińiz qajet. Osy tapsyrmalar oryndalýy úshin is-sharalar ótkizý qajet», dedi K.Másimov. Sondaı-aq, Ener­getıka mınıstrligine mu­naı óń­deý zaýyttarynda jos­parly jóndeý jumystary merzi­min ońtaılandyrýdy tapsyrdy. Osyǵan oraı Qashaǵandy qazan aıynda iske qosý qajettigin naq­ty­lady. Sonymen qatar, K.Má­simov oblys ákimderimen, kómir óndirýshi kompanııalarmen tıisti jumystar júrgizilýi kerek­tigin atap ótti. Aǵymdaǵy jyl­dyń sońy­na deıin energııa nysan­dar­yn­da otyn qaýipsizdigi norma­tıv­terin jasaý kerektigin tapsyrdy. «Inflıasııany tómendetý jáne óner­kásip kásiporyndaryn qol­daý, sondaı-aq, iri elektr stansa­la­rynyń jumysyn kúsheıtý máse­­leleri boıynsha usynystar ázir­lep, elektr qýatynyń shekti ta­rıfterin tómendetý jóninde sheshim qabyldaý kerek», – dedi K.Má­simov. Úkimet otyrysynda, sondaı-aq, sońǵy ýaqytta elimizde oryn al­ǵan oqıǵalardan keıin túıt­kildi máselelerdi sheshý boıynsha keshendi is-sharalar qabyldaý qa­jet­tigi jó­ninde de aıtyldy. Onyń ishin­de jumyssyz júrgen jastar má­selesi Úkimette túbegeıli qaıta qarastyrylmaq. «Densaýlyq jáne áleý­met­tik damý mınıstrligi múddeli mem­le­kettik organdar, jergilikti at­qa­rýshy organdarmen birge bir aı­dyń ishinde problemalyq jas­tarmen jumysty túbegeıli qaıta qarastyrý kerek. Búgin Memleket basshysy ótkizgen jıynda bul másele jan-jaqty talqylandy. Men erteńnen bastap óńirlerge shyǵamyn. Barlyq kezdesýlerde jastarmen jumys, olardy jumyspen qamtý máselesi bólek talqylanýy tıis. Muny erteńnen bastaımyz», dedi K.Másimov. Qaýipsizdik Keńesiniń otyrysynda Memleket basshysy ult­tyq qaýipsizdikti qamtamasyz etýge ba­ǵyttalǵan strategııalyq jáne júıeli mándegi birqatar naqty tap­syrma bergen bolatyn. Osyǵan oraı terrorızm men ekstre­mızmge qarsy is-qımyl salasynda keshendi is-sharalar ázirleý boı­ynsha vedomstvoaralyq jumys ko­mıssııasy qurylmaq. Oǵan Ult­tyq qaýipsizdik komıteti jetek­shilik etedi. Osyǵan oraı «eki kún ishinde bul topty qurý jónin­degi meniń ókimimniń jobasyn engizýdi tapsyramyn», dedi K.Má­simov. Vedomstvoaralyq jumys komıssııasy bir aptanyń ishinde nor­matıvtik-quqyqtyq jáne uıym­­dastyrýshylyq mazmundaǵy is-sharalar josparyn ázirleýi kerek. Úkimet basshysy, sondaı-aq, Aqtóbedegi teraktiden keıin bir­qatar sheteldik ınvestor Qazaq­standaǵy jaǵdaı men óz ınves­tısııalarynyń saqtalýyna qatys­ty alańdaýshylyq tanytyp otyr­ǵandyǵyn atap ótti. «Inves­tısııalar jáne damý mınıstrligi Syrtqy ister, Aqparat jáne kommýnıkasııalar mınıstr­lik­teri­men birlesip, osy ba­ǵytta ju­mys atqarýy kerek», dedi K.Má­simov. Iаǵnı, ınves­tısııalardyń qaý­ip­sizdigin qamta­masyz etý qa­jet­tigin basa aıtty. Osy rette áýe­jaılar men vokzaldardy qazir­gi za­manǵy tekserý júıesimen jab­dyq­taýdy tapsyrdy. «Investısııalar jáne damý mınıstrligine Ulttyq qaýip­sizdik komıtetimen, Ishki ister mınıstrligimen, «Samuryq-Qazy­na» qorymen birlese áýejaılardy, avtobýs jáne temirjol vokzaldaryn qazirgi zamanǵy tekserý júıesimen jabdyqtaý boıynsha biryńǵaı tehnıkalyq talaptardy bekitý turǵysynda sharalar qabyldaý qajet», dedi K.Másimov. Premer-Mınıstr Qazaqstan óńirlerine jumys saparlary barysynda osy baǵytta da atqarylǵan jumystardyń nátıjesin jeke ózi tekseretinin aıtty. «Barlyq óńirlerge barǵanda ákimder maǵan áýejaılardyń jaǵdaıyn, sondaı-aq, tekserý júıesin kórsetýi tıis. Osy oraıda sol jerde tıisti she­shim jasaý qajet bolsa, qajetti shara­lar jasaımyz», dedi Úkimet bas­shysy. Otyrystyń kún tárbitindegi bız­nesti damytý jáne qoldaý, son­daı-aq, múlikti jarııa etý máse­­­lelerine qatysty Ulttyq ekono­mıka mınıstri Qýandyq Bıshim­­baev, «Atameken» Ulttyq kásip­ker­ler palatasynyń basqar­ma tór­aǵasy Abylaı Myrzah­metov, Qar­jy mınıstri Baqyt Sul­tanov, «Báı­te­rek» ult­tyq bas­qarýshy holdıngi» AQ bas­qarma tóraǵasynyń orynbasary Lázzat Ibragımova, Ulttyq bank tóraǵasy Danııar Aqyshev baıandady. Baıandamashylar bul baǵyttar boıynsha elde aýqymdy jumystar at­qarylyp jatqandyǵyn habarlady. Dınara BITIKOVA, «Egemen Qazaqstan»