Gaz tarıfi óse me?

Osyǵan oraı qoǵamdyq tyńdaýdyń Astanada ótetindigi Atyraý kásipkerlerin alańdatyp otyr «QazTransGazAımaq» ak­sıo­nerlik qoǵamynyń oblys­tyq fılıaly gazdyń qu­nyn kóterýge qam jasap otyr. Tabıǵı gaz tarıfi ósetininen habardar bolǵan atyraýlyq ká­sipkerlerden maza ketti.Olardyń pikirinshe, bul  kásip­kerliktiń damýyna edáýir kedergi keltirýi múmkin. Sol sebepten, «Atameken» ulttyq kásipkerler palatasy Atyraý oblystyq fı­lıalynyń dırektory, «Nur Otan» partııasynyń óńir­lik fılıaly janyndaǵy kásip­ker­likti qoldaý jónindegi qoǵam­dyq keńes tóraǵasy Asyl­bek Jákıev atalǵan máse­leni partııa alańynda talqy­laý­dy uıǵarypty. Qoǵamdyq keńes músheleri aldynda  «QazTransGazAımaq» aksıo­ner­lik qoǵamynyń Atyraý óndi­ristik fılıalynyń dırek­tory Maqsut Abýov tarıftiń joǵarylaýy kásiporyn­nyń ınvestısııalyq baǵdar­la­masynda qaralǵan jumystardyń aýqymymen baılanystyrady. Alaıda, qoǵamdyq keńes mú­sheleri «QazTransGazAımaq­tyń» óndiristik bazasyn halyq­tyń qaltasyna salmaq túsirý arqyly jaqsartýyna kelis­peıdi. Kásipkerler álemdik eko­no­mıkalyq daǵdarys tusyn­da tarıftiń ósýin orynsyz dep sanaıdy. «QazTransGazAımaq» aksıonerlik qoǵamy­nyń Atyraý óndiristik fılıalynyń dırektory Maqsut Abýovtiń málim etýinshe, 2015 jyldyń 1 shildesinen beri bir tekshe metr gazdy tasymaldaý úshin 1 266,54 teńge mólsherindegi ótemdik tarıfi qoldanylady. Endi kompanııanyń tarıfti ósirý jónindegi ótiniminde 2016-2020 jyldary bir metr gazdy tasymaldaý tarıfi tórt jylǵa bólgende bir tekshe metr úshin 5 701,42 teńge bolýy tıis eken. Demek, bul qazirgi qoldanystaǵy baǵadan 4,5 esege kóp bolǵaly tur. Osyǵan oraı kompanııa qoǵamdyq tyńdaý ótkizýdi josparlapty. Alaıda, munaıly óńir turǵyndary úshin mańyzdy másele ortaǵa salynatyn qoǵamdyq tyńdaý 17 maýsymda Atyraýda emes, Astanada ótkeli otyr.  Nege bulaı? Atyraý turǵyndaryna qajetti másele Astanada emes, nege jergilikti jerde talqylanbaıdy? Iá, rasynda kásipkerler tarıftiń ósýine bir, qoǵamdyq tyńdaýdyń Astanada ótetindigine eki alańdap otyr. Kásipkerler kóńilin kúpti etken máseleniń basty sebebine toqtalar bolsaq, «Tek qana gaz baǵasy ǵana kóterilmeıdi. Gazben birge jylýdyń da tarıfi kóteriledi. Sebebi, qazir sý gaz qondyrǵylarymen  ysytylady. Elektr energııasy da gazdy tutyný arqyly óndiriledi. О́nimimiz bar. О́nimimizdiń barlyǵy osy elektr, sýǵa, gaz baǵalaryna baılanysty» – deıdi  oblystyq máslıhattyń  depýtaty  Ádil Jubanov. Joldasbek ShО́PEǴUL, «Egemen Qazaqstan» ATYRAÝ