Imamtaksı

meshittegi taraýıh namazynan keıin eldi tegin tasymaldaıdy Shyǵys Qazaqstan oblystyq «Halıfa Altaı» meshitiniń uıymdastyrýy boıynsha qashyq turatyn aǵaıyndy úılerine aman-esen jetkizýdi maqsat etken tegin taksı Ramazan aıynyń sońyna deıin qyzmet kórsetpek. Qazirgi kezde О́skemen qalasy meshitteriniń ımamdarynan qu­ralǵan on kólik jamaǵatty tegin tasymaldap júr. – Bul – qasıetti Ramazan aıynda halyqqa sál de bolsa kómek bolsyn degen nıetten týǵan ıgi bas­tamamyz edi. О́ıtkeni, qulshylyq úıine qarııalar da, jaǵdaıy tómen adamdar da, múmkindigi shekteýli jandar da keledi. Atalǵan qyzmetti «Ramazan taksı», «Tegin taksı» dep ataý týraly usynystar boldy. Aqyldasa kele «Imamtaksı» dep ataýdy uıǵardyq. О́ıtkeni, qarapaıym halyq arasynda ımamdar sadaqashyl, janazashyl degen ispetti qasań túsinik kezdesedi. Halyqty osy oıdan aryltý úshin ımamdardyń jamaǵatty tegin tasymaldaýǵa ázir, saýapty iske qumbyl ekenin kórsetýdi maqsat tuttyq, – dedi Shyǵys Qazaqstan oblysynyń О́skemen okrýgi boıyn­sha ókil ımamy, «Halıfa Altaı» meshitiniń bas ımamy Ermek qajy Muqataı. «Imamtaksı» ımamdardyń ıman­dylyq sharttary týraly ýaǵyz aı­týymen de erekshelenedi.  Dýman ANASh, «Egemen Qazaqstan» О́SKEMEN