Qazaq dalasynda

108 myń kıik tirshilik etedi Aýyl sharýashylyǵy mınıstrligi osy jyldyń 18 sáýiri men 3 mamyry aralyǵynda Betpaqdala, Oral jáne Ústirt popýlıasııasynyń kıikterine áýeden sanaq júrgizdi. Málimetterge súıensek, Qazaqstanda 108 myń 300 aqbóken bar eken. – О́tken jyly Betpaqdala tara­lymynyń jappaı qyrylýynan keıin 2016 jylǵy sanaq boıynsha aqparat bergimiz keledi. Betpaqdala taralymynda 36 myń 200 kıik tirshilik etedi. Oral taralymynda bul kórsetkish 70 myń 200 kıikti quraıdy. Ústirt taralymynda 1900 bas tirkeldi, – dedi Aýyl sharýashylyǵy mınıstrligi janýarlar dúnıesi jáne ańshylyq sharýashylyǵy basqarmasynyń basshysy Baqytbek Dúısekeev. Jıyn barysynda Aýyl sharýa­shylyǵy mınıstrliginiń ókilderi 2015 jyly jabaıy tirshilik ıeleriniń neden qyrylǵany áli anyqtalmaǵanyn málimdedi. – Olardyń eń kóp meken etetin jeri Oral óńiri bolǵandyqtan, bul mańaıdyń kúzetilýine, aqbókenniń taralýyna qatty mán berip otyrmyz. Osyǵan baılanysty mamyr aıynda Oral qalasynda arnaýly «Ohotzooprom» mekemesiniń fılıalyn ashtyq. Bul orynǵa qyzmetkerler sany boıynsha da, tehnıka jaǵynan da kómek kórsetip otyrmyz. Mekeme janynan tórt arnaıy top quryldy. Árbir topqa jol talǵamaıtyn eki kólik, al kólikter­diń árqaısysyna eki ınspektordan bóldik. Eki top Astanada, qalǵan eki top Qyzylordada jumys isteıdi, – dedi Baqytbek Dúısekeev. Aıan ÁBDÝÁLI, «Egemen Qazaqstan» Aıta keteıik, 2015 jyly mamyrda Betpaqdalany mekendeıtin 150 myńnan astam kıik qyrylǵan. Onyń naqty sebebi áli kúnge deıin belgisiz.