Soǵys ardagerleri

úıleriniń qabyrǵalaryna arnaýly taqtalar ilinedi Astana qalasynyń Saryarqa aýdany ardagerler keńesiniń ókilderi Uly Otan soǵysynyń ardagerleri turatyn úılerge esimderi jazylǵan taqtalardy ornata bastady. Olar Jeńis­tiń 71 jyldyǵyn toılaý qarsańynda osyndaı sheshim qabyldaǵan bolatyn. Qazirgi tańda aýdanda 67 soǵys ardageri turyp jatyr. – О́tip bara jatqandardyń munda kimniń turatynyn bilip júrsin degen nıetpen taq­talar ornatyp jatyr­myz. Bul ardagerlerdiń er­ligin umytpaý maqsatynda jasalyp otyr. Mun­daı is-sharalar jastardyń boıyndaǵy patrıottyq sezimin oıatýyna septigin tıgizedi, – dedi aýdandyq ardagerler keńesiniń tóraǵasy Ebenǵappas Ahmetov. Qalalyq jáne aýdandyq ardagerler keńesteri Uly Otan soǵysy ardagerlerine qoldaý kórsetýde. Alǵash bolyp ataýly belgi ardager Frolov Alekseı Fedorovıchtiń úıine ornatyldy. – Eń birinshi ákimdikterge, máslıhat múshelerine jáne ardagerler keńesine jasaǵan syı­lyqtary úshin alǵysymdy bildi­remin. О́skeleń urpaqqa patrıot­tyq tárbıe berý basty nazarǵa alynyp jatyr. Jastarǵa áskerı bilim alýdy tileımin! Eshqashan da saǵymyz synbasyn! – dedi Alekseı Frolov. Mundaı belgiler aldaǵy ýaqytta soǵys zulmatyn kórgen árbir jannyń úıine ornatylady. Eli-jeri úshin qasyq qany qalǵansha soǵysqan jandardyń eren erligi el esinde máńgi qalady. Aıan ÁBDÝÁLI, «Egemen Qazaqstan»