Kúre jol – kúretamyr

Parlament Senatyndaǵy «О́ńir» depýtattyq tobynyń dóńgelek ústel otyrysynda Qazaqstan Prezıdentiniń «Nurly Jol – bolashaqqa bastar jol» Joldaýyndaǵy avtomobıl joldary qurylysy bóligin iske asyrýdyń aralyq nátıjeleri jáne Qazaqstannyń 2015-2019 jyldarǵa arnalǵan ınfraqurylymdyq damytý memlekettik baǵdarlamasy aıasynda kólik-logıstıka ınfraqurylymyn qalyptastyrýdyń keleshegi talqylandy. Senat Tóraǵasy Qasym-Jomart Toqaev otyrysqa qatysýshylarǵa arnap sóz sóıledi. Joǵarǵy pala­ta­n­yń basshysy bizdiń elimizdi ınfra­­qurylymdyq turǵyda túbe­geıli jańǵyrtý arqyly ekonomıkany eleýli túrde órkendetý isinde Pre­zı­dent N.Nazarbaev jarııa etken Jańa ekonomıkalyq saıasattyń qaǵı­dalyq mańyzyn atap ótti. Senat Tóraǵasy avtomobıl joldary qurylysy baǵdarlamasyn iske asyrý barysyndaǵy ózekti máse­­lelerge toqtaldy. Q.Toqaev­tyń aıtýynsha, kóptegen avtomobıl joldarynyń sapasyn jaq­sar­tý qajet, aýyldyq jerler­degi jol­dar jańǵyrtýdy, jol qury­lys­tarynda ozyq tehnologııa­lar­dy paıdalaný jóninde aýqymdy ju­mys­tar atqarýdy talap etedi. Joǵar­ǵy palatanyń basshysy jol­­dar­dyń qurylysy men jón­deý jumystarynda avtomobıl sala­sy­nyń mamandarymen keri baılanys­ty qamtamasyz etýdiń mańyzy zor ekenine nazar aýdardy. «Nurly Jol» – mańyzy óte aýqym­dy strategııalyq baǵdarlama, bul qujat Qazaqstannyń alǵa qaraı damýy­­na úlken serpilis bere­­di. Osy máseleler shyn mánin­de búkil qoǵam­nyń nazarynda tur. Son­­dyq­tan, biz bárimiz, Úki­met bol­syn, Par­la­ment bolsyn, bul jumys­ty nátı­jeli túrde atqarýy­myz kerek, dedi Q.Toqaev. Investısııalar jáne damý mı­nıstri Áset Isekeshev «Nurly Jol» memlekettik baǵdarlamasy aıa­­­syn­­da avtomobıl joldary jo­ba­­l­aryn iske asyrý barysy týra­ly baıan­dady. Onyń aıtýynsha, bar­lyq jo­ba­lar iske asyrylǵannan keıin ta­sy­mal kólemi 2,5 ese artady, onyń eleý­li ekonomıkalyq qaı­­tarymy ǵana emes, aýqymdy áleý­­mettik áseri mol bolady. «2017-2019 jyldary «Nur­ly Jol» aıasynda avtomobıl jol­dary jobalaryn iske asyrýdyń shyr­qaý shegi kezeńinde barlyq jobalar­da 200 myń adam, oǵan qosa sement, jol bıtýmy, ınert materıaldar, temir-beton buıymdaryn shy­ǵarý jónindegi barlyq otandyq óndirý­shiler jumys isteıdi», – dedi baıandamashy. «QazAvtoJol» ulttyq kompanııasy» AQ basqarma tóraǵasy Ermek Qızatov elimizdegi negiz­gi halyqaralyq dálizderge, onyń ishin­de «Nurly Jol» baǵdar­lama­sy aıasynda salynǵan bólikterge tólem júıesin engizý týraly aıtty. Odan basqa, avtomobıl joldaryn basqarý jónindegi ulttyq operatordyń basshysy jol boıy qyzmet kórsetýlerdi damytý jos­parlary týraly da habardar etti. Qarjy mınıstriniń orynbasary Tatıana Saveleva jekelegen jobalardy qarjylandyrý barysy týraly esep berdi. Onyń aıtýynsha, 2015 jyly jol qurylysyna Ult­­t­yq qordan bólingen 178 mıl­lıard teńge ıgerildi, 2016 jyly qar­jy­landyrý kólemi 161,9 mıllıard teńgeni (Ulttyq qor­dan 151,3 mıl­lıard teńge, respýb­lı­ka­lyq bıýd­jetten 10,6 mıllıard teńge) quraıdy. Ishki ister mınıstrligi Ákim­shi­lik polısııasy komıteti tóraǵa­sy­nyń birinshi orynbasary Álibek Keńesbaev joldaǵy, onyń ishinde avtomobıl joldary qury­lysy bólikterindegi qozǵalys qaýip­siz­digin qamtamasyz etý úshin qabyl­dan­ǵan sharalar týraly habarlady. Dóńgelek ústel otyrysyn­da «О́ńir» depýtattyq toby­nyń múshesi senator Erbolat Muqaev jáne Qaraǵandy oblysy ákiminiń orynbasary Shagýrashıd Mama­lınov Batys Qazaqstan jáne Qara­ǵan­dy oblystaryndaǵy avto­mo­bıl jol­daryndaǵy ózekti máse­le­­ler men onyń keleshegi týraly aıtty. Dóńgelek ústeldi qorytyn­dyl­aı kelip, «О́ńir» depýtat­tyq tobynyń jetekshisi, Senat­tyń Eko­nomıkalyq saıasat jáne kásip­kerlik komıtetiniń múshesi Mıhaıl Bortnık «Nurly Jol» baǵdarlamasyn iske asyrýǵa aýqymdy qarajat – memlekettik te, qaryz aqsha da jumsalatyndy­ǵyn, sondyqtan bul joldardyń qurylysyn muqııat qadaǵalaý kerektigin atap ótti. Láıla EDILQYZY, «Egemen Qazaqstan»