Qazaqstan Respýblıkasy Bilim jáne ǵylym mınıstrliginiń buıryǵy  №677

2015 jylǵy 4 jeltoqsan,  Astana qalasy Tehnıkalyq jáne kásiptik, orta bilimnen keıingi jáne joǵary bilimniń bilim berý baǵdarlamalaryn iske asyratyn uıymdarda memlekettik bilim berý tapsyrysy negizinde bilim alýshylar úshin ótemaqylar tóleý arqyly qysqy jáne jazǵy kanıkýl kezeńinde qalaaralyq temirjol jáne avtomobıl (taksıden basqa) kóliginde jeńildikpen jol júrýdi qamtamasyz etý qaǵıdalaryn bekitý týraly «Bilim týraly» 2007 jylǵy 27 shildedegi Qazaqstan Respýblıkasy Zańynyń 5-babynyń 43-1) tarmaqshasyna sáıkes buıyramyn: 1. Qosa berilip otyrǵan tehnıkalyq jáne kásiptik, orta bilimnen keıingi jáne joǵary bilimniń bilim berý baǵdarlamalaryn iske asyratyn uıymdarda memlekettik bilim berý tapsyrysy negizinde bilim alýshylar úshin ótemaqylar tóleý arqyly qysqy jáne jazǵy kanıkýl kezeńinde qalaaralyq temirjol jáne avtomobıl (taksıden basqa) kóliginde jeńildikpen jol júrýdi qamtamasyz etý qaǵıdalary bekitilsin. 2. Ekonomıka jáne qarjy departamenti (T. Nurǵojaeva) Joǵary jáne joǵary oqý ornynan keıingi bilim, halyqaralyq yntymaqtastyq (S. О́mirbaev), Kásiptik-tehnıkalyq jáne orta bilimnen keıingi bilimdi jańǵyrtý (D. Qalenova) departamentterimen birlesip, zańnamada belgilengen tártippen: 1) osy buıryq Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde ony merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Bilim jáne ǵylym mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Bilim jáne ǵylym vıse-mınıstri T.O.Balyqbaevqa júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Bilim jáne ǵylym mınıstri A.SÁRINJIPOV «KELISILDI» «KELISILDI» «KELISILDI» Qazaqstan Respýblıkasynyń Densaýlyq Qazaqstan Respýblıkasynyń Qazaqstan Respýblıkasynyń saqtaý jáne áleýmettik damý mınıstri Qarjy mınıstri Mádenıet jáne sport mınıstri __________________ T. Dúısenova _______________B. Sultanov _________ A. Muhamedıuly 2015 jylǵy 21 jeltoqsan 2015 jylǵy 22 jeltoqsan 2015 jylǵy 9 jeltoqsan Qazaqstan Respýblıkasy Bilim jáne ǵylym mınıstriniń 2015 jylǵy 4 jeltoqsandaǵy №677 buıryǵymen bekitilgen Tehnıkalyq jáne kásiptik, orta bilimnen keıingi jáne joǵary bilimniń bilim berý baǵdarlamalaryn iske asyratyn uıymdarda memlekettik bilim berý tapsyrysy negizinde bilim alýshylar úshin ótemaqylar tóleý arqyly qysqy jáne jazǵy kanıkýl kezeńinde qalaaralyq temirjol jáne avtomobıl (taksıden basqa) kóliginde jeńildikpen jol júrýdi qamtamasyz etý qaǵıdalary 1. Osy Tehnıkalyq jáne kásiptik, orta bilimnen keıingi jáne joǵary bilimniń bilim berý baǵdarlamalaryn iske asyratyn uıymdarda memlekettik bilim berý tapsyrysy negizinde bilim alýshylar úshin ótemaqylar tóleý arqyly qysqy jáne jazǵy kanıkýl kezeńinde qalaaralyq temirjol jáne avtomobıl (taksıden basqa) kóliginde jeńildikpen jol júrýdi qamtamasyz etý qaǵıdalary (budan ári – Qaǵıda) «Bilim týraly» 2007 jylǵy 27 shildedegi Qazaqstan Respýblıkasy Zańynyń 47-babynyń 13-tarmaǵyna sáıkes ázirlengen jáne bilim alýshylardyń jol júrýine ótemaqy tóleý tártibin aıqyndaıdy. 2. Osy Qaǵıdada mynadaı negizgi uǵymdar paıdalanylady: bilim alýshylar – stýdentter, magıstranttar, daıarlyq bólimderiniń tyńdaýshylary; jol júrý ótemaqysy - memlekettik bilim berý tapsyrysy negizinde bilim alýshylarǵa qalaaralyq temirjol jáne avtomobıl kóliginde (taksıden basqa) qysqy jáne jazǵy kanıkýldar kezeńinde jol júrý qunynyń bóligin óteý úshin beriletin aqshalaı tólem; ótemaqy tóleý jónindegi uıymdar - respýblıkalyq bıýdjet esebinen joǵary bilimdi jáne respýblıkalyq jáne jergilikti bıýdjetter esebinen tehnıkalyq jáne kásiptik, orta bilimnen keıingi bilimdi mamandar daıarlaýdy iske asyratyn bilim berý uıymdary. 3. Jol júrý ótemaqysy respýblıkalyq jáne jergilikti bıýdjetter qarajaty esebinen tólenedi. 4. Qazaqstan Respýblıkasynyń bıýdjettik zańnamasyna sáıkes memlekettik tapsyrysty oryndaıtyn bıýdjettik baǵdarlamalar ákimshileri jyl saıyn respýblıkalyq jáne jergilikti bıýdjetterdiń jobalaryn ázirleý kezinde bilim alýshylarǵa jol júrý úshin aqshalaı ótemaqylardy tóleýge arnalǵan qarajatqa qajettilik esebin bıýdjettik josparlaý jónindegi ortalyq jáne jergilikti ýákiletti organdarǵa usynady. 5. Jol júrý ótemaqysy memlekettik bilim berý tapsyrysy boıynsha bilim alýshylardyń mynadaı sanattaryna: tehnıkalyq jáne kásiptik, orta bilimnen keıingi bilim beretin oqý oryndarynyń kúndizgi oqytý nysanynda bilim alýshylarǵa jylyna eki ret, qysqy jáne jazǵy kanıkýldar kezeńinde, tıisti jylǵa arnalǵan respýblıkalyq bıýdjet týraly zańmen jyl saıyn bekitiletin 2 eselengen aılyq eseptik kórsetkish (budan ári - AEK) mólsherinde; tehnıkalyq jáne kásiptik, orta bilimnen keıingi bilim beretin oqý oryndaryn bitirýshilerge - jylyna bir ret 2 eselengen AEK mólsherinde; joǵary oqý oryndarynyń stýdentterine, magıstranttarǵa jylyna eki ret, qysqy jáne jazǵy kanıkýldar kezeńinde 4 eselengen AEK mólsherinde; joǵary oqý oryndarynyń daıarlyq bólimderiniń tyńdaýshylaryna - jylyna bir ret 4 eselengen AEK mólsherinde; joǵary oqý oryndaryn bitirýshilerge - jylyna bir ret 4 eselengen AEK mólsherinde tólenedi. 6. Bilim alýshylarǵa jol júrý ótemaqylaryn tóleýdi ótemaqy tóleý jónindegi uıymdar jyl saıyn aqpan jáne maýsym aılarynda qarajatty bilim alýshylardyń kart-shotyna aýdarý jolymen nemese qolma-qol tólemdermen júrgizedi. 7. Qazaqstan Respýblıkasynyń bıýdjettik zańnamasyna sáıkes qarjy jyly aıaqtalǵannan keıin ótemaqy tóleý jónindegi uıymdar belgilengen tártippen bıýdjettik baǵdarlamalar ákimshilerine jol júrý ótemaqylaryn tóleýge arnalǵan bıýdjettik qarajattyń paıdalanylýy týraly esep beredi. Buıryq Qazaqstan Respýblıkasynyń Ádilet mınıstrliginde 2016 jylǵy 20 qańtarda Normatıvtik quqyqtyq kesimderdi memlekettik tirkeýdiń tizilimine №12894 bolyp engizildi.