Umytshaq ushqysh

Dıýsseldorf áýejaıynda ekıpaj 72 jolaýshyny tastap, ushyp ketken Álemde nemisterdi ýaqytty barynsha baǵalaı biletin, saǵat tilimen sanasyp, árbir iske jaýap­kershilikpen qaraıtyn ult dep jatamyz. Endi qarańyz, Germanııada bir ushqysh saǵat 22:00-de kókke kóterilý úshin ushaq bortyna jaıǵasyp bolmaǵan 72 jolaýshyny tastap ketken. Osydan-aq, nemis ultynyń ýaqytpen sanasatynyn ańǵarý qıyn emes. Oqıǵa atalǵan eldiń Dıýssel­dorf qalasyndaǵy aeroportta oryn alǵan. Munda Eurowings kompanııasyna tıesili ushaq jolaýshylardyń bir bóligin tas­tap ushyp ketken. Negizi, 100-den astam adam ushý alańyna eki avtobýspen jetkizilgen. Solardyń birinde otyrǵan 40 kisi áýe ke­mesine minip úlgerse, 70-ten astamy aılaqta qalyp qoıǵan. Belgili bolǵandaı, ushqysh saǵat 22:00-ge deıin kókke kóterilýge asyqqan. О́ıtkeni, bul ýaqyttan bastap qalada túngi ushýlarǵa tyıy­m salynady. Aıta keteıik, áýe kemesine minip úlgermegen jolaýshylardyń keıbiri dittegen jerine avtobýs­pen jetkizilse, qalǵandary tańer­teńgi reıspen jetkiziletin bolyp sheshilgen. Talǵat RAIYMBEK, «Egemen Qazaqstan»