Elbasynyń kitaphanasy men qory jýrnalısterge arnap
«Qazaqstan Táýelsizdigi jáne Elbasy» konkýrsyn jarııalady
Qazaqstan Respýblıkasynyń Tuńǵysh Prezıdenti – Elbasynyń kitaphanasy men Qory Qazaqstan Respýblıkasy Táýelsizdiginiń 25 jyldyǵyn qurmetpen atap ótý maqsatynda, baspa jáne elektrondyq buqaralyq aqparat quraldary qyzmetkerleri arasynda «Qazaqstan Táýelsizdigi jáne Elbasy» taqyryby boıynsha, aldaǵy tarıhı oqıǵaǵa arnalǵan tańdaýly materıaldarǵa ashyq konkýrs jarııalaıdy. Konkýrstyń maqsaty – eldiń táýelsizdik jyldaryndaǵy jetistikterin kórsetý, Qazaqstan memlekettiliginiń negizi retinde «Nazarbaev modelin», Elbasynyń ıdeıalary men bastamalaryn tanymal etý. Konkýrs tórt nomınasııa boıynsha ótkiziledi: 1) «Úzdik teledıdar materıaly»; 2) «Úzdik radıomaterıal»; 3) «Gazetter men jýrnaldardaǵy úzdik maqala»; 4) «Ǵalamtor-BAQ-taǵy úzdik jarııalanym». Nomınasııalardyń árqaısysy boıynsha jeńimpazdarǵa 1 mıllıon teńge mólsherinde aqshalaı júlde beriledi, al ekinshi jáne úshinshi oryndar úshin tıisinshe – 500 myń jáne 200 myń teńge beriledi. Odan basqa, barlyq júldegerlerge dıplomdar men omyraýǵa taǵatyn belgiler tapsyrylady. Konkýrsqa kásipqoı jýrnalıster jeke de jáne ujymdyq negizde de qatysa alady. Konkýrsqa 2016 jylǵy 1 maýsymnan bastap 31 qazan merzimi boıynsha memlekettik jáne orys tilderinde resmı jarııalanǵan (basylǵan, efırge shyǵarylǵan, ǵalamtorda ornalastyrylǵan) biregeı materıaldar qabyldanady. Konkýrstyń qorytyndysyn quramyna belgili jýrnalıster, Qazaqstannyń kórnekti memleket jáne qoǵam qaıratkerleri engen Konkýrs komıssııasy shyǵarady. Jeńimpazdardy marapattaýdyń saltanatty rásimi Táýelsizdik kúni qarsańynda ótkiziledi. Konkýrsqa qatysýǵa ótinimder 2016 jylǵy 1 qarashaǵa deıingi merzimde ákelip berý tártibimen nemese poshtamen jóneltý arqyly myna mekenjaıda: Z05S5X1, Qazaqstan Respýblıkasy, Astana qalasy, Eńbekshiler kóshesi, 10, 213-kab., «Qazaqstan táýelsizdigi jáne Elbasy» konkýrsyna» degen belgisimen qabyldanady (baılanys tel.: (7172) 69-30-57, 69-30-52, 69-30-50). Konkýrsty ótkizýdiń sharttary men ýaqyty týraly barlyq aqparatpen www.presidentlibrary.kz, www.presidentfoundation.kz/
