Shymkentte 14 jasar qyz úshti-kúıli joǵalyp ketti

Shymkenttegi Chapaev kentinde týǵan-týystary men polıseıler Lılııa Ahmetova degen 14 jasar qyzdy izdestirip jatyr. Ońtústik Qazaqstan oblysy ishki ister departamentiniń habarlaýynsha, 8-synypta oqıtyn qyz 14 maýsym kúni úıden shyǵyp ketkennen qaıtap oralmaǵan. Kórgender maýsymnyń 14-inen 15-ne qaraǵan túni temir jol vokzalynda kórgen. Týǵan-tystary Lılııany aldymen ózderi izdeıdi. Tabylmaǵasyn 17 maýsym kúni Ál-Farabı polısııa bólimine kelip habarlaıdy. 36 jastaǵy qala turǵynynyń aıtýynsha, 15 maýsymǵa qaraǵan túni 2002 jyly týǵan qyzy Lılııa Ahmetova qurbysynyń úıine ketip, qaıtyp oralmaǵan. Onyń qaltasynda eshqandaı qujat bolmaǵan. Qazirgi tańda bul jaıt polısııada tirkelip, jeke quram qyzmetkerleri №34 mekteptiń 14 jasar oqýshysyn izdestirýge kirisken. Bir anyqtalǵany, jasóspirim qyz buǵan deıin de úıinen ketip júrgen eken. Lılııa Ahmetovanyń belgileri: boıy — 155 sm, qasy-kózi — qara, shashy ıyǵynan azdap túsken, qońyrqaı tústes, ortasha deneli. Sol kúni oqýshy qyz ústine jasyl shorty, ashyq-sary tústi fýtbolka men ashyq-qońyr tústi týflı kıgen. Qolynda shaǵyn qara sómkesi bar. Baqtııar Taıjan. Derek, foto: Otyrar.kz.