Eskertkish maketi ózindik qaharman sıpatqa ıe ekendigimen qatar, ol jas músinshiniń ishki rýhanı qýatyn aıqyndaıdy. – Áýelde dıplom taqyrybyn tańdar tusta Batyrhan Shókenov, Qajymuqan sııaqty qazaqtyń talantty uldaryn somdaý týraly oı boldy. Men óz tańdaýymdy jasarda máselege patrıottyq turǵydan qaradym da, ulttyń qaharman uldaryn jasaǵym keldi. Bul eskertkishti jasaýǵa 4 aptadaı ýaqyt ketti. Qazir elimizde Raqymjan Qoshqarbaevtyń kelbetin sıpattaıtyn músin nemese naqty úlken monýmenttik músinder joq.
Tek qana bıýsteri ǵana bar, – deıdi stýdent Shah-Ahmet Ermekuly. Amerıkanyń The New York Times gazetiniń 1945 jylǵy 1 mamyrdaǵy nómirinde «Keńes qyzyl týy Reıhstag ústinde jelbiredi» degen taqyrypta maqala jarııalanyp, onda: «Eshkim tize búktire almaǵan Germanııanyń Reıhstagyna Idrısk dıvızııasynyń leıtenanty Raqymjan Qoshqarbaev pen jaýynger Grıgorıı Býlatov 30 sáýir kúni saǵat 15:00 shamasynda halyq týyn tikti» dep atap kórsetilgen. Araǵa 62 jyl salyp baryp moıyndalǵan batyr Raqymjan Qoshqarbaevqa arnalǵan laıyqty eskertkish boı kóteredi ǵoı, degen tilek bildiredi jas músinshi.
Qanat ESKENDIR, «Egemen Qazaqstan»
ALMATY
