Hat qorjyn

 OQYRMAN ...alǵys aıtady Kásipker alty múgedekti jumysqa qabyldady Kez kelgen kásip ashýdyń ońaı sharýa emes ekeni belgili. Al ol kásipkerligińe eń aldy­men qyzmetkerdiń ta­lap­qa saı bolýy kerektigin es­ker­sek, Atyraý qalasynda qaǵaz paket shyǵaratyn kásip­oryn ashylyp, jumysqa arbaǵa tańyl­ǵan 6 múgedek qabyl­dan­ǵany tosyndaý oqıǵa bolyp otyr. Buny kásip ıesiniń óz­geshe jan ekeniniń belgisi dep bilemiz. Bir basyna jeterlik qyzmetin tastap, zaman kóshine ilesýdi oılastyrǵan azamattyń isi óte quptarlyq ıgilikti shara dep uǵamyz. «Densaýlyq jaǵdaıyma baılanysty temirjoldaǵy jumysymdy tastaýǵa týra keldi. Biraq aqsha taýyp, ot­ba­syn asyraý qajet. «Ju­myspen qamtýdyń jol kartasy-2020» baǵ­darlamasy boıynsha jyl­dyq 6,5 paıyz­ben 3 mln. teńge kóle­min­de kredıttik qaryz al­dym. Logotıp jáne qaǵaz paket­terdi daıyndaý úshin jab­­dyq­tar satyp aldym. Búginde qara­­ma­ǵymda 9 adam jumys is­teı­di. Olardyń altaýy múgedek jandar», – dep óz isinen qys­qa-nusqa ǵana habardar etti «Bým-2020» kásipornynyń dırektory Aqmaral Baılaýova. Mundaı meıirimdi de mereı­li janǵa kim-kimde bolsa da isiniń ońǵa basyp, sharýa­sy­nyń órge basýyna batasyn bereri sóz­siz. Bizdiń de Aqmaral qara­ǵy­ma qol­ǵa alǵan ónegeli isińe bereke bersin degimiz keledi.  Aqnıet BUIYRSYN  ATYRAÝ ...áserimen bólisedi Balalarǵa qýanysh syılady Semeı qalasynda «Nur Otan» – balalarǵa» respýb­lıka­lyq aksııasy birqatar ıgilikti sharalardyń uıym­das­tyrylýyna túrtki boldy. Sonyń biri – múmkindigi shek­teýli balalarǵa arnalǵan «Qosh keldiń, jaz!» merekesi. Partııanyń Semeı qalalyq fılıaly men «Istok» balalar jáne jastar shyǵarmashylyǵy ortalyǵy halyqaralyq bala­lardy qorǵaý kúnine oraı­las­tyryp, osy sharany Túıe­moı­naq aralynda tabıǵat aıasynda ótkizdi. «Nur Otan» – balalarǵa» sharasynyń negizgi maqsaty – balalardyń talantyn ashyp, talabyn ushtaý. Árqaısysy­nyń shyǵarmashylyqqa degen umtylystaryn – ómirge, óner­ge degen qushtarlyq dep baǵa­laıdy. Partııamyzdyń «Ba­qytty otbasy», «Kedergisiz keleshek» jobasy osy baǵyt­taǵy jumystardy aldaǵy ýaqytta da jalǵastyratyn bolady. Is-shara kóterińki kóńilge toly sahnalyq baǵdarlamalarǵa ulasty. Mereke barysynda «Istok» qoǵamdyq birlestigi tárbıeshileri men mamandary ázirlegen «Teatralnyı», «Zagadochnyı», «Sportıvnyı» ertegi-qoıylymdarynyń keıip­ker­leri balalardy qyzyqty­ryp, kóńilderin kóterdi.  Ásem JYLQYShEVA  Shyǵys Qazaqstan oblysy ...úlgi tutady Sıyrdyń súti – tilinde Sońǵy jyldary bizdiń aýdannyń ortalyǵy Jympıty kentinde aýyl sharýashylyǵy ónimderiniń jármeńkesin ót­kizý dástúrge aınala bas­tady. Bul baǵyttaǵy saýda-sat­tyq bıyl erterek qolǵa alyndy. Jármeńkede Jym­pıty, Sholaqańqaty, Saroı, Buldyrty jáne Taldybulaq aýyldyq okrýgindegi turǵyn­dar men sharýalar óz ónimderin satylymǵa shyǵardy. Kelý­shiler, ásirese, sút ónimderine erek­she suranys bildirdi. Men ózim Sholaqańqaty aýyldyq okrýginiń ortalyǵy Toǵanas aýylynda turamyn. О́zgeler sekildi jármeńkege sút jáne sút ónimderin alyp kelgen bolatynmyn. Barlyq aýyldyń turǵyndary sııaqty biz de iri qara ustaımyz. Sıyrdyń súti tilinde degendeı, biz bul túlikti jaqsylap baǵyp-kútip, osy arqyly tıisti násibimizdi taýyp júrmiz. Kózim jetkeni sıyrdyń sútinen de jaqsy paıda tabýǵa bolady eken. Sondyqtan da sút ónimderin satý meniń turaqty kásibime aınaldy. Sol sebepti aýdan ortalyǵyna jıi kelemin. Jympıtynyń basynda qaımaq pen maıdy turaqty satyp alatyn tutynýshylarym bar. Sveta ÁMIROVA, aýyl turǵyny Batys Qazaqstan oblysy, Syrym aýdany ...jaqsylyǵyn jetkizedi Túlekter ashqan saıabaq Shalqar aýdanynyń Móńke bı aýylyndaǵy Muhambetqazy Tájın atyndaǵy orta mek­teptiń 1986, 1996 jáne 2006 jyldardaǵy túlekteri bas qosyp, el táýelsizdiginiń 25 jyl­dyǵy qurmetine «Týǵan jerge taǵzym!» sharasy aıa­synda saıabaq ashty. Aıta ketý kerek, budan birneshe jyl buryn oblystaǵy tirek aýyldardyń biri bop sana­latyn bul mekende saıabaq ashý oblystyq ákimdiktiń jos­parynda qaralyp, komıssııa oty­rysynda belgilenip te qoıǵan. Alaıda, qarjy daǵ­darystaryna baılanysty toq­tap qalǵan syńaıly. Mine, osyndaı ıgi sharany qolǵa alǵan aýyl túlekteri týǵan jerge, elge degen súıispenshiligin naq­ty ispen kórsete bildi. Saıabaqtyń syrty mal kirmeýi úshin temirmen qor­shaldy. Úsh júz túpteı túrli aǵash kóshetteri otyrǵyzyldy. Sý qubyry tartyldy. Taıaý ýa­qytta oryndyqtar qoıylyp, abattandyrylatyn bolady. Aldaǵy ýaqytta saıabaq ishinde Móńke bıge eskertkish ornatý úshin oryn belgilendi. Aýyl adamdary úshin dema­lys orynyn ashý týraly bas­tama kóterip, ony júzege asy­rý úshin istiń basy-qasynda júrgen osy mektep túlegi «Aqtóbe Sát» JShS dırektory Marat Qansultanovqa el alǵys aıtady. Sondaı-aq, ıgi istiń basynan tabyl­ǵan túrli kásiptiń ıeleri Qol­ǵanat Qudaıbergenov, Temirhan Tileýbergenov, Tal­ǵat Juma­ǵazın, Borantaı Ábilov, Berkinbaı Qojageldın, Igilik Knıazbaev, Nurbek Berim­betov, Nurlan Sataev, Bal­dybaı Toqtarbaıuly, Samǵat Qýantaıuly, Bekbolat Myrzabergenuly syndy jigit­terdiń esimderin erekshe iltı­pat­pen aıtyp jatty. Berdibaı KEMAL Aqtóbe oblysy