Talaby taýdaı túlekter

Aqtóbe qalasyndaǵy Qazaqstan Respýblıkasynyń Tuńǵysh Prezıdenti N.Nazarbaev atyndaǵy ortalyq saıa­baqta «Jas túlek – 2016» merekelik sal­tanaty ótkizildi. 2015-2016 oqý jylynda Aqtóbe oblysynda 6395 oqýshy mektep bitirip, olardyń 71,9 paıyzy Ulttyq biryńǵaı testileýge qatysyp, orta eseppen 82,8 ball jınady. Bul kórsetkish salada sál de bolsa, ilgerileý bar ekenin kórsetedi. Úzdik oqyp, «Altyn belgi» attes­taty­na úmitker 355 oqýshynyń 157-si óz bilimderin dáleldep, 244 túlek úzdik attes­tat ıelendi. Al, bıyl 48 túlek halyq­­aralyq olımpıada júldegeri boldy. О́ńirde 1045 túlek 100-den joǵary ball alyp, altyn uıa mektebi men ata-analaryn qýanyshqa bóledi «Jas túlek – 2016» saltanatyna oblys ákimi Berdibek Saparbaev, oblystyq bas­qar­malar basshylary, ulaǵatty ustazdar, pedagogıkalyq qyz­mettiń ardagerleri jáne 3000-ǵa jýyq mektep bitirýshi túlekter qatysty. – Sońǵy úsh jylda óńirde bilim salasyn damytýǵa 164 mlrd. teńgeden astam qarajat bólindi, 30 jańa mektep salyndy, – dedi B.Saparbaev.  Satybaldy SÁÝIRBAI, «Egemen Qazaqstan» Aqtóbe oblysy