Qaıta túlegen «Qazposhtanyń» aýyldaǵy qyzmetteri

Keshe Aqparat jáne kommýnıkasııalar mınıstri Dáýren Abaev «Qazposhta» AQ aqparattyq baspasóz týry aıasynda Aqmola oblysynyń Shortandy aýylyndaǵy aýdandyq poshtalyq baılanys torabynda boldy. Is-sharaǵa «Samuryq-Qazyna» UÁQ, aýdandyq ákimdik, BAQ ókilderi jáne blogerler qatysty. Memleket basshysy Nursultan Nazarbaev halyqqa túrli qyzmet kórsetýde qala men aýyl arasyn jaqyndatyp, aýyl turǵyndaryna múmkindiginshe qolaıly jaǵdaı jasaýdy tapsyrǵan bolatyn. Shortandyǵa saparmen barǵan baspasóz týrynda kórgenimiz sol ıgilikterdiń bastamasy bolyp shyqty. Osy jóninde áńgimelegen D.Abaev, aýyl turǵyndaryna qa­zirgi zamanǵy kommýnıkasııalyq qyzmetterdi usyný jańa mınıstr­lik jumysyndaǵy mańyzdy baǵyt­tardyń biri ekenin atap aıtty. «HHI ǵasyrdaǵy memle­ketterdiń básekege qabilettiligin anyqtaıtyn belgilerdiń biri – azamattardyń kúndelikti ómirine joǵary tehnologııalardyń ený deńgeıi bolyp tabylady. Bizdiń elimiz osy salada edáýir jetistikterge jetti deýge negiz bar. Alaıda, baǵyndyrar shyńymyz áli alda ekeni aıan. Árıne, eń aldymen tehnologııalyq progress jetistikterin aýyldyq jerlerge engizý týraly sóz qozǵalady. Búgin tanystyrylyp otyrǵan áleýmettik jobalar – sonyń jarqyn kórinisi. Mundaı ıgi jumystar óz nátıjelerin kóp kúttirmeıdi. Onyń jemisin taıaý ýaqytta kóremiz degen úmittemin», dedi mınıstr. Kezdesý barysynda «Qaz­posh­ta» AQ basqarma tóraǵasy Baǵ­dat Mýsın poshta salasyndaǵy jańalyqtar týraly aıta kele, qa­ty­sýshylarǵa poshtalyq jáne qarjylyq qyzmetterdi – elektron­dy kezek, «sálemdemeler sýper­marketi», postmarket.kz (e-commerce) saýda alańy, esep­tik-kassalyq qyzmet kórsetý, temir­jol bıletterin satý, zańdy tulǵa­larǵa qyzmet kórsetý jáne taǵy basqa sharalarmen tanys­tyrdy. Sharaǵa kelgenderdiń nazaryna «Salem, Mobile» dep atalatyn taýarlar men qyzmetterge tólem jasaý jónindegi jańa qyz­met tanystyryldy. Onyń qa­ra­paıymdylyǵy men qoljetimdiligi – satýshyǵa tólem júrgizý úshin qymbat turatyn jabdyqtar (termınal) satyp alý jáne ınter­netke qosylýdyń qajeti joq. Tutynýshynyń tólemi kez kelgen úlgidegi uıaly telefon qura­lymen USSD pármenin, ıaǵnı qysqa ha­barlamalar qyzmeti bolyp sana­latyn *499# nómirine jiberý arqyly júzege asyrylady. Satyp alýshyǵa taýarlar men qyzmetterge tólem jasaý úshin ınternet kerek bolmaıdy, sondaı-aq, tólem kartasyn ózimen birge alyp júrý de shart emes. Tólemder júrgizý úshin óz kartańyzdy bir ret qana www.post.kz tirkeý jetkilikti. – Elimizde qoldanysqa alǵash enip otyrǵan bul texnologııanyń artyqshylyǵy – jol qatynasy men bank qyzmeti jáne ınternet júıesi qolaısyz shalǵaı aýdandar men eldi mekenderdegi xalyqtyń dúken, sýpermarketterde saýda jasaýy men tólem jumystarynyń aýyrtpalyǵy burynǵyǵa qaraǵanda osy tehnologııa arqyly jeńildetiledi. Bul júıe Afrıka elderinde áldeqashan qoldanysqa enip, óziniń oń nátıjesin bergen eken. Atalǵan termınal ornatylǵan dúkennen keregińizdi alý úshin qolyńyzda qarapaıym telefon ǵana bolsa jetip jatyr. Siz zat satyp alatyn kez kelgen dúkende sol jerdegi poshtanyń jáne dúkenniń saýdaǵa arnalǵan kody bolady. Sony terip, alatyn zatyńyzdyń baǵasyn sms arqyly jiberip, óz qajetińizge jarata alasyz, – dedi basqarma tóraǵasy. «Qazposhta» áleýmettik baǵdarly kompanııa retinde aýyl turǵyndaryna arnalǵan jumys oryndaryn qurǵan. Búginde aýyldyq poshta taratýshylaryn arnaıy kıimdermen, smartfondarmen jáne velosıpedtermen qamtamasyz etedi. Buǵan qosa, «Qazposhtanyń» shalǵaıda ornalasqan 50 bólimshesinde aýyl turǵyndaryna yńǵaıly bolý úshin «Internetke qoljetimdilik oryndary» ornalastyrylypty. Mundaı oryndar turǵyndardyń ınternetti tegin paıdalanýyna, saýdalyq ınternet-alańdarda operasııalar júrgizýge, bularmen birge alysta ornalasqan aýyldy jerlerdegi týysqandarymen Skype arqyly baılanysqa shyǵýyna múmkindik beredi eken. Bul ıgiliktiń jaqsy bir mysalyn sol jerdiń ózinde kórdik. Qol ónerimen shuǵyldanatyn Aman Toqtauly atty sheber óziniń ulttyq buıymdar jasaýmen aınalysatynyn aıtyp, dál osy «Internetke qoljetimdilik ornynyń» óz kásibine paıdasy tıip otyrǵanyn áńgimelep berdi. Onyń sózine qaraǵanda, buǵan deıin jasaǵan buıymdaryn tek shaǵyn aýyl turǵyndary ǵana satyp alyp kelse, endi atalǵan oryndaǵy qyzmettiń arqasynda ulttyq buıymdary ınternetke shyǵyp, tegin jarnamaǵa ıe bolǵan. Nátıjesinde, elimizdiń ózge óńirlerinen de tapsyrys­tar túse bastapty. Tapsyrysty posh­ta arqyly qabyldap alatyn sheber, daıyndalǵan buıymdy tutynýshyǵa jetkizip berý úshin de poshta qyzmetine júginedi. Sóıtip, «Qazposhta» aýyldaǵy shaǵyn kásipkerlerdiń ınternet-saýda alańdaryna shyǵyp, taýarlaryn búkil respýblıka kólemine tanys­tyrýyna múmkindik týdyryp, ónimin kez kelgen jerge jetkizýge óz qyzmetin usynyp otyr. Basqarma tóraǵasynyń aıtýyna qaraǵanda, taıaý bolashaqta aýyl adamdary avıabıletterdi de óz poshtalarynan ala beretin bolady. Esesine, temirjol men avıabıletterdi satqan poshta operatorlary árbir bılet úshin jalaqysyna 100 teńge qosyp alady eken. Bul shara poshta qyzmetkerlerin yntalandyra túsipti. Búgingi kúnge deıin aýyl poshtalary arqyly 30 myńnan astam temirjol bıletteri satylyp úlgeripti. Bul – jańa qyzmetterdiń jurtqa tıimdi ekenin kórsetse kerek. О́ıtkeni, endi olar ushaq pen poıyzǵa bılet alý úshin qalaǵa baryp, kassalarǵa kezekke turyp áýre bolyp jatpaıdy jáne osyǵan ketetin ýaqyt pen jol shyǵyndaryn únemdep qalady. Nurbaı ELMURATOV, «Egemen Qazaqstan» Aqmola oblysy