Irlandııada 2000 jyl buryn jasalǵan maı tabyldy

Osyǵan deıin arheologtardyń túrli kezeńderde ómir súrgen halyqtyń baǵaly buıymdaryn, zattaryn tapqany týraly estýshi edik. Biraq jaqynda Irlandııa jerinde erekshe oqıǵa oryn aldy. Ǵalymdar bul mańaıdan batpaqqa kómilgen sary maıdy tapty. Málimetter boıynsha, 2000 jyl buryn ómir súrgen halyq sary maı jasaýdyń sheberi bolǵan. Eń qyzyǵy, sodan beri qansha ýaqyt ótse de, Mıt graftyǵynda sút óniminiń 10 kılosy saqtalyp qalypty. Tarıhı zat Irlandııa ulttyq mýzeıinde saqtalady. Sol kezeńde ómir súrgen halyqtyń bir daǵdysy, azyq-túlikterin batpaqqa jasyryp qoıady eken. Ásirese, jaýgershilik tusta, osyndaı isterin jıi jasapty. Al ǵalymdar tapqan sút ónimi eshnársege oralmaǵan kúıi kómilgen. Boljam boıynsha, kómgen adam ony qaıta alýdy oılamaǵan bolsa kerek. Mamandar 2000 jyl buryn jasalǵan sary maıdan súttiń ıisi ańqyp turǵanyn aıtty. Al onyń dámi qandaı ekeni ázirge belgisiz. Sebebi, onyń dámin tatyp kórýge nıet bildirgen jan áli tabyla qoımapty. Bir aıtatyny, osyǵan uqsas jaǵdaı eki jyl buryn bolǵan eken. Ulybrıtanııada 4000 jyl burynǵy maı kesegi tabylypty. Alǵash bolyp dámin tatqan Kevın Tornton esimdi aspaz onyń dámdi ekenin aıtqan. Aıan ÁBDÝÁLI, «Egemen Qazaqstan»