Jetinshi qabattan qulaǵan bala aman qaldy

Oqıǵa 21 maýsym kúni keshki saǵat 18.00 shamasynda Aqtaý qalasyndaǵy 17 shaǵyn aýdandaǵy Green Park turǵyn úı kesheninde oryn aldy. Aqtaýda sońǵy jyldary salynǵan sáýletti úı sanalatyn atalmysh keshenniń jetinshi qabatynan qulaǵan bala tómengi qabatqa arnaıy salynǵan tordyń arqasynda aman qaldy. Oqıǵa kýáleriniń aıtýynsha, tereze aldynda oınap otyrǵan bala kenet terezeni ashyp, tómen qaraı quldılaı jónelgen. Abyroı bolǵanda, jaqtaýlary temirden jasalǵanmen tordyń ózi jumsaq materıaldan bolyp shyqty. Qutqarýshylar kelip tor ústinde jylap otyrǵan balaǵa kómek qolyn sozǵan. «Balany jubatyp, onyń qozǵalmaýyn, qoryqpaýyn suraı júrip Dúısen Aqqalıev baspaldaq qoıyp, joǵary ózi kóterilip, balany qolyna aldy», deıdi turǵyndar. Jedel járdem kómegin kútpeı-aq, balany dereý aýrýhanaǵa jóneltti. Artynsha Mańǵystaý oblystyq aýrý­hanasynyń qabyldaý bólimi balada aýyr jaraqattardyń joq ekendigin habarlaǵan. Qazir quqyq qorǵaý oryndary oqıǵanyń mán-jaıyn anyqtaýda. Olar eresekterden terezelerdi ashyq qaldyrmaýdy, balalar bar bólmede tereze aldyna júk, jıhaz qoımaýdy, sondaı-aq balalardyń terezeni óz betinshe ashýyna múmkindik bermeıtin qulyptardy qondyrýǵa keńes berýde. Gúlaıym ShYNTEMIRQYZY, «Egemen Qazaqstan» Mańǵystaý oblysy