Kórgendi kisi kórgenin aıtady

Gazetimizdiń ınter­net-nusqasy basylym betterinde ja­rııalanǵan barlyq maqalalar men ha­barlardyń bezbeni, oqyrmandardyń olarǵa degen kózqarasynyń barometri sııaqty. Osyndaǵy óz kóńilderinen shyqqan (nemese shyqpaǵan) materıaldarǵa kópshilik birden oı-pikirlerin bildire bastaıdy. Sonyń ishinde kúlli elge qatysty ózekti máselelerdi kótergen jarııalanymdar sońy kommentterge tolyp ketedi. Biz osy kezge deıin sondaı pikirlerdi kóbirek jınaǵan, kún tártibindegi ózekti jaıttardy sóz etken maqalalarǵa túsken kommentterdi jarııalap turýdy dástúrge aınaldyryp keldik. Al búgin úsh birdeı maqalaǵa túsken pikirlerdi toptastyryp berýge týra kelip otyr. Álbette, pikirlerdiń bárin birdeı berýdiń múmkindigi bolǵan joq. Degenmen, osy iriktep alǵandardyń ózi solardaǵy jalpy kóńil-kúıdi bildire alady dep esepteımiz. Endeshe, atalǵan kommentterge kóz salaıyq. «Osy jarasymdy ma?»  Qarashash TOQSANBAI (7 maýsym, 2016 jyl) Oral Ras, qazir jigitterdiń bir-birimen bet súıisip amandasqany, gúl syılaǵany qatty ashý kel­tiredi. Jigitsiń be, jigittik zatyńa saı bolsańshy! Tós qaǵysyp amandas, syılyq syılaǵyń kelip bara jatsa, er adamdar ustaıtyn zattardyń birin ber. Jomart Munyń bári úıdegi tárbıeniń durys-burystyǵynan bolady. Burynǵy kezde ata-babalarymyz uldaryn qalaı ustaǵan? Al qazirgi zamanaýı áke bolyp júrgenderimizdiń balalaryna berip jatqan tárbıesi qandaı? Menińshe, búgingi qoǵam naǵyz áke dep aıtarlyq adamdardan aqyryndap aıyrylyp bara jatqan sııaqty. Asylbek Qazir shynymen mundaı tıptegi jastar kóbeıdi. Sahnada án aıtyp turǵan ánshini túsinýge bolar. Olarǵa kórermen gúlden artyq eshnárse syılaı almaıdy. Biraq dosyńa gúl syılaý degen endi óte uıat nárse. Zamannyń ózgergeni degen durys pa, álde qazaq jastarynyń Batys elderine elikteýshiligi me?! Ásem Bul qazirgi tańdaǵy óte ózekti máselelerdiń biri bolyp tur. Otan qorǵaıdy dep úmittenetin ji­gitterimiz óz basyn durys alyp júrýge jaramaıdy. «Biz HHI ǵa­­syrdyń jastarymyz», deıdi odan qala berdi. Ne aıtarymdy da bilmeımin. Ábdijámil Endi bul baryp turǵan so­raqylyq pa deımin. Onyń keń etek alyp bara jatqanyn jazyp, shýlaı bergenshe, onymen qalaı kúresý kerektigin oılasaıyq. Sonyń joldaryn qarastyraıyq. Menińshe, onyń aldyn alý úshin árbir otbasynda «erkek pen erkek súıisip sálemdespeıdi» degen sarynda tyıymdar ashyq aıtylyp otyrýy kerek. «Altyn belgi» araly  Baqtııar TAIJAN (17 maýsym, 2016 jyl) Dýman Mundaı basshyǵa kóziniń tiri­sinde týǵan jerinde eskertkish qoı­sa da artyq emes! Qadyr Qazaqtardan túk shyqpaıdy, qazaqsha oqyǵan balalar du­rys bilim almaıdy deıtin kók­aýyz­dardyń aýzyna qum quıatyn tamasha derek qoı mynaý! Tolaǵaı Menińshe, Eńbek Eri ataǵyn osy kisige berý kerek. Bul kisi kúl­­li urpaqqa eńbek sińirip jatyr. Bolat, Qyzylorda oblysy, Jańaqorǵan aýdany Qatty razy bolyp otyryp oqydym myna maqalany. О́mir­xan Qozybaq aǵamyzǵa myń da bir raxmet! Eńbek Eri ataǵyn alatyn dárejege kelip tur eken. Bir jyl emes, úsh jyl boıy res­pýblıkanyń aldyn bermeı kele jatqan osy kisi sondaı ataq almaǵanda, endi kim alady? Aıbek Keremet! Men ne aıtarymdy da bilmeı otyrmyn. Alǵashynda bir mekteptiń 40 túlegi «Altyn belgi» ıegeri atandy degende, asa qatty sene qoımap edim. Ma­qalany oqyp otyryp, kózim jetip otyr. Ishimnen «shirkin, kezinde osy mektepte oqyǵanymda ǵoı» dep oılap qoıamyn. Sholpan Menińshe, bul mekteptiń oqý prosesindegi tásildemesi bólek jáne ustazdary jyl saıyn shákirtterin bıikke jeteleý úshin baryn salady. Sonymen qatar, mektep bitirýshiler UBT-ǵa daıyndyqty 2-3 jyl buryn bastaıdy dep oılaımyn. Ne de bolsa, Maqtaaraldaǵy mekteptiń baǵy bes eli eken! Birjan Mektep ustazdarynyń aldynda basymdy ıemin. Elimizde mundaı bilim oshaǵy bar dep oılamappyn. Basqalaryna úlgi bolǵany anyq. Táńirbergen Bul mektep respýblıkadaǵy orta bilim berý uıymdaryna úlgi bolýy kerek. Shynymdy aıtsam, rıza boldym. Mektep basshylyǵynan bastap, ustazdar qaýymyna. «Qazanshynyń erki bar...»  Temir QUSAIYN (17 maýsym, 2016 jyl) Tasbolat, Aqjaıyq aýdany Masqara ǵoı! Shahardyń dál ortalyǵynda, oblystyq jáne qalalyq ákimdik ǵımarattarynyń tap qasynda qalanyń bas jos­pary talabyna saı kelmeıtin záýlim bul ne qurylys? Jandarbaı Jýrnalıst Temir Qusaıyn­nyń jazyp otyrǵany óte oryn­dy másele. Elbasynyń syndar­ly saıasatyna saı, oblys ortalyqtaryndaǵy qurylys qalanyń sáni men sáýleti­ne laıyqty túrde jobalanýy qa­jet. Al myna toǵyz qabatty qu­ry­lystyń atalǵan talaptardyń biri eskerilmeı, qalanyń qaq ortasynda bar kórikti buzyp salynýyna qaraǵanda, avtordyń jazǵanyndaı, zańdy aınalyp ótken bir gáp bar sekildi. Imanat Zańdy belden basyp oıyna kelgendi jasaı berý ońaı nərse-aý deımin. Qatelik memlekettik qyzmetker degen aty bar əkimdik qyzmetkerlerinen shyǵady. Qalanyń bas josparyn aıaqasty etip orynsyz jerden jer telimin bergenderi osy aıtqanymyzǵa dəlel emes pe? Aıbolat Búginde Batys Qazaqstan oblysynyń bıligi BAQ-qa jabyq. Kez kelgen mekemeden kishkene aqparat alý úshin de joǵarǵy jaqtyń ruqsaty kerek deıdi. Joǵarǵy jaq ákimniń pıaryn jasaımyn dep, shash al dese bas alýǵa deıin ketip qaldy. «Egemen» aqparat ala almasa, qalǵanyna ne joryq? Beıimbet Qalalardaǵy ortalyq alań túbinen, ákimshilik ǵı­ma­rat­tardyń irgesinen kóp­qabatty úı salý tájirıbesi birde-bir memlekette joq. Oral­dyń ortalyq alańyndaǵy bul ara onsyz da tar. Eshqandaı bos keńistik joq. Qurylys bit­ken soń bul jerde adam da, kólik te kóbeıedi. Sol kezde túr­li qa­ýip­sizdik jaǵ­daı­dan saq­taný­ǵa múmkindik bolmaı qalýy yqtımal. Araı Demek, oblystyq qurylys basqarmasynyń basshysy О́k­sikbaev atalǵan qurylys nysany jaıly tolyq bilmeıtin boldy ǵoı. Sondyqtan da artyq birdeńe aıtyp qoıamyn ba dep qoryqqandyqtan, ákimdikke siltep otyr. Jaltaq sheneýnik, jabyq mekeme kimge abyroı áperedi?! Taraz Sońǵy kezderi «Egemen Qa­zaqstan» gazeti syn maqalalar jarııalap, ózekti máselelerdi kóterip júr. Syn naqty ári shyn bolsa nege jazbasqa? Osyndaı ótkir dúnıeler kóbeıe bersin.