Tıimdilik jáne áleýmettik kepildikter

«QazMunaıGaz» ulttyq kompanııasy men «QazMunaıGaz» Barlaý О́ndirý» aksıonerlik qoǵamy arasyndaǵy ózara qarym-qatynastar týraly shartqa ózgerister engizý týraly usynys jasaldy. Onda óndirý kompanııasynyń júıelik problemalaryn sheshýge jáne onyń eńbek ujymdarynda turaqtylyqty saqtaýǵa baǵyttalǵan birqatar alǵysharttar bar. Bul jóninde osy aptanyń ekinshi kúni «QazMunaıGaz» ulttyq kompanııasy» AQ-ta ótken baspasóz konferensııasynda basqarma tóraǵasy Saýat Myńbaevtyń ózi áńgimelep berdi. Ulttyq kompanııa basshysy jýrnalısterge enshiles kásiporyn – «QazMunaıGaz» Barlaý О́ndirý» AQ jarǵysyna, eki kom­panııanyń arasyndaǵy ózara qarym-qatynastar týraly shart­qa ózgerister engizýge oraı ult­tyq kompanııanyń usynystary týra­ly taratyp aıtyp berdi. Álemdik munaı naryǵyndaǵy ahýalǵa toqtalyp, búgingi tańda qandaıda bir naqty boljam jasaý óte qıyn ekeni týraly áńgimelegen ulttyq kompanııa basshysy osy kezeńde túrli jaǵdaıǵa daıyn bolý kerektigin jetkizdi. «Mundaı jaǵ­daıda «QazMunaıGaz» ulttyq kom­panııasy usynystarynyń maq­saty operasııalyq tıimdilikti art­tyrý bolyp tabylady. Rasyn aıt­qanda, munaı baǵasynyń qul­dyraýy jaǵdaıynda basqarý men óndiristik úderiste júıelik prob­lemalar shyǵa bastady. Kompanııa qaıtadan paıdaǵa shyǵa bas­taýy úshin ol máselelerdi sheshý qa­jet­tiligi týyndap otyr. Biz operasııalyq jáne ákimshilik shyǵyndardy qysqartýǵa, bıznes-úderisterdi standarttaýǵa jáne janama qyzmet kórsetý fýnksııa­laryn aýtsorsıngke shyǵarýǵa baǵyttalǵan ákimshilik-basqarý personalyna qatysty birqatar daǵdarysqa qarsy sharalardy usynyp jatyrmyz», dedi ol. Basqarma tóraǵasy ulttyq kompanııa osynaý usynystary bo­ıyn­sha aksıonerleriniń bar­lyǵy daýys bere alýy úshin «QazMunaıGaz» Barlaý О́ndirý» AQ aksıonerleriniń kezekten tys jalpy jınalysyn shaqyrý týra­ly resmı túrde júginip otyr­ǵanyn aıtty. Onyń sózine qara­ǵan­da, atalǵan usynystardyń tolyq bekitilýi úshin ony «QazMunaıGaz» Barlaý О́ndirý» AQ ak­sıo­ner­leriniń kezekten tys jalpy jı­nalysynda daýys bergen mıno­rı­tarlyq aksıonerlerdiń basym kópshiligi qoldaýy tıis eken. Aksıo­nerlerdiń bul jınalysy osy jyldyń 3 tamyzyna josparlanyp qoıypty. Baspasóz máslıhaty barysyn­da túrli suraqtar týyndady. Onda aımaqtardaǵy qarapaıym ju­mysshylardyń jumys oryndary da aıtylmaı qalmady. О́n­diristik aımaqtarǵa jospar­ly jumys saparymen barý «QazMunaıGaz» ulttyq kompanııasynda dástúrge aınalǵan. Kompanııa basshylyǵy men arnaıy mamandary eńbek ujymdarynyń jáne kásipodaqtardyń ókilderimen turaqty negizde kezdesip, tolǵaǵy jetken máselelerdi der kezinde talqylap otyrýdy ádetke aınaldyrdy. Talqylanatyn basty máse­leler, negizinen, jumys pen turmys jaǵdaılaryn jaqsartý, qosymsha jumys kólemimen qamtamasyz etý jáne taǵy basqalaryna qatysty. Kóp jaǵdaıda bul talaptar ádil deýge bolady, munaıshynyń ju­my­sy klımaty qatal óńirlerde aýyr jumystarmen baılanys­ty. Sol sebepti, kásipodaq pen jumys­kerler kóshbasshylarynyń barlyq eskertpeleri nazarǵa alynyp, múm­kin bolǵan jaǵdaıda tıisti basshy­larǵa olardy sheshý týraly nusqaý­lar beriledi. «QazMunaıGaz» Barlaý О́n­dirý» AQ-tyń aımaqtardaǵy ju­mys­shylaryn qysqartý nemese personaldardyń qyzmetin oń­taı­landyrý sharasy boıynsha da suraq qoıyldy. «Qazirgi kúnde álemdik eko­nomıkalyq daǵdarystyń sal­qy­ny bizdiń elge de kádimgideı áser etip otyrǵany jasyryn emes. Osyǵan oraı Memleket bas­shysy múmkindiginshe jumys oryn­daryn barynsha saqtap qalý­men qatar, ónim kólemin de qys­qart­paý boıynsha tapsyrma júk­te­gen. «QazMunaıGaz» ulttyq kom­panııasy osy tapsyrmaǵa oraı óz jaýapkershiligin jaqsy sezinedi. Sondyqtan óndiristegi jumys­shy­lardy jumystan qysqartý ult­tyq kompanııanyń josparynda joq», dedi basqarma tóraǵasy. Nurbaı ELMURATOV, «Egemen Qazaqstan»