Deklarasııa tapsyrý kezeń-kezeńimen júzege asady

Keshe Parlament Májilisindegi «Nur Otan» partııasy fraksııasynyń keńeıtilgen jınalysy ótip, oǵan ózge partııalardan saılanǵan depýtattar da shaqyryldy. Jınalysty ashyp júrgizip otyrǵan Májilistegi «Nur Otan» partııasy frak­sııa­synyń jetekshisi depýtat Gúlmıra Isımbaeva kún tártibine qoıylyp otyrǵan máselelerdiń depýtattyq korpýs úshin, ásirese aldaǵy shilde-tamyz aılarynda óńirlerge saparǵa shyǵýlaryna baılanys­ty halyqpen kezdesýlerde qoıylatyn saýaldarǵa jaýap berýdegi mańyzdylyǵyna oraı oǵan «Aqjol», «Kommýnıstik halyq partııasynyń» jáne Qazaqstan halqy Assambleıasynan saılanǵan depýtattardyń shaqyrylǵanyn jetkizdi. Shynynda da kún tártibine qoıylǵan 3 má­seleniń eń alǵashqysy– Qazaqstan Respýb­lı­kasynda kirister men shyǵystarǵa salyqtyq deklarasııany engizý týraly máseleniń aldaǵy 2-3 jyldyń júzinde elimizdegi azamattardy túgeldeı derlik qamtıtynyn eskersek, depýtattyq korpýstyń fraksııalyq otyrysqa bulaısha keń kólemde jınalýy aqtalady da. Qarjy vıse-mınıstri Ardaq Teńge­baev­tyń aıtýynsha, jalpyǵa birdeı dekla­ra­sııalaýǵa kóshýdegi basty maqsat – kóleńkeli ekonomıkamen jáne jemqorlyqpen kúres boıynsha jeke tulǵalardyń kiristeri men múlikterine tıimdi baqylaý júıesin qurý, sondaı-aq salyqtardyń jáne bıýdjetke tólenetin basqa da mindetti tólemderdiń jınalýyn qamtamasyz etýde memlekettiń rólin kúsheıte túsý. Anar TО́LEÝHANQYZY, «Egemen Qazaqstan» Jalpyǵa ortaq deklarasııalaý kámelettik jasqa tolǵan barlyq azamattarǵa, oralmandar men turǵylyqty mekenjaıǵa ıe tulǵalardyń bárine qatysty bolsa, al sheteldikter men kámelettik jasqa tolmaǵandar úshin eger olarda múlik bolǵanda nemese Qazaqstannan tabys tabatyndaı jaǵdaıda deklarasııa tapsyrýǵa mindetti ekenin jetkizgen ol depýtattar aldynda ári qaraıǵy sózin tómendegishe jalǵady: «2017 jyldyń 1 qańtarynan bastalatyn birinshi kezeńde jalpyǵa birdeı deklarasııalaý sýbektileri kelesi tulǵalar bolyp tabylady: sybaılas jemqorlyqqa qarsy is-qımyl týraly zańda aıqyndalǵan tulǵalar jáne olardyń jubaılary. Ol qazir de deklarasııa tapsyryp júrgen – memlekettik qyzmetshiler, depýtattar, sottar, ulttyq bank qyzmetkerleri. Kelesi tulǵalar – ulttyq kompanııa, holdıngterdiń ákimshilik personaly. Úshinshi top – memlekettik kásiporyndar men mekemelerdiń qyzmetkerleri. Al 2020 jyldyń 1 qańtarynan bastap, elimizdiń qalǵan halqy osy júıege kiretin bolady. Jalpy, birinshi kezeńde 1,8 mln. adam deklarasııa tapsyrsa, ekinshi kezeńde shamamen 11 mln. adam osy júıege qosylady dep boljanyp otyr», dedi A Teńgebaev. «Nur Otan» partııasy fraksııa­sy jetek­shisiniń orynbasary Nurtaı Sabılıanov: «Deklarasııalar jobasyna toqta­latyn bolsaq, birinshiden, aktıvter men min­dettemeler týraly deklarasııa – 16 betten, kirister men múlikter týraly deklarasııa – 42 betten, al jeke tulǵanyń kiristeri týra­ly qysqasha deklarasııa 2 betten turady eken. Iаǵnı qarapaıym halyqqa olardy tol­tyrý ońaıǵa soqpaıdy. Jáne kóptegen máli­metterdi anyqtaý, salystyrý kóp ýaqyt­ty qajet etedi jáne olar sáıkespeıtin jaǵ­daı­da alǵashynda eskertý berilip, al jyl ishin­de ondaı sáıkessizdikter qaıtalansa, azamatqa 64 myń teńge kóleminde aıyppul salynady. Eger azamattyń eńbekaqysy 40-50 myń teńge shamasynda bolsa, onda ol bul aıyppuldy qalaı tóleıdi? Sondyqtan, aıyppul mólsherin azaıtqan durys», degen oıdy jetkizdi.