Almaty 64 eldi qabyldaýǵa daıyn

2017 jyly Almatyda ótetin qysqy Ýnıversıa­daǵa daı­yn­dyq jáne ótkizý dıreksııasy basshysy Naıl Nýrov buqaralyq aqparat quraldary ókilderimen kezdesýi barysynda qalanyń 64 eldiń sportshylary men delegattaryn erkin qabyldaı alatynyn aıta kelip, is júzinde olardyń qatary 50 elmen shektelip qalýy yqtımal ekenin atap ótti. «Biz Almatynyń Ýnıversıada ke­zinde 64 eldi qabyldaı alatynyn aıta ala­myz. Bul – eń joǵary kórsetkish. Bizdegi atletter qalashyǵynyń, sport­tyq nysandardyń, transport jáne logıstıkamyzdyń 64 eldiń 5000-ǵa jýyq sportshysyn qabyldaýǵa múmkindigi jetedi», – dedi Naıl Nýrov. Kezdesýde ol buǵan deıingi rekordtyq kórsetkish Erzýrým qalasynda tirkelgenin tilge tıek etti. Erzýrýmde 52 eldiń stýdentteri Ýnıversıadaǵa qatysqan eken. «Oıyndar Eýropada ótken kezde logıstıkany jeńildetetini ras. Eýropada Ýnıversıadaǵa qatyspaıtyn el joq. Biz Erzýrýmniń rekordyn jańartýǵa umtyldyq. Biraq álemdi jaılap otyrǵan ekonomıkalyq qıyn jaǵdaılar onyń oryndalýyna kedergi boldy. Bizge 64 elden emes, 50 eldiń sportshylary kelýi múmkin dep jobalap otyrmyz. Biraq tirkelý jumystary aıaqtalǵan joq. Jyl sońyna deıin ýaqyt bar», – dedi dıreksııa basshysy. Naıl Nýrov Ulttyq stýdentter sporty federasııalarynyń Ýnı­ver­sıa­daǵa qatysýyn qamtamasyz etý Ha­lyqaralyq stýdentter sporty oda­ǵynyń (FISU) qaraýynda ekenine de toqtaldy. «Biz osy másele boıynsha FISU kómegine jáne Qazaqstan ulttyq sporttyq stýdentter odaǵynyń kómegine júginemiz», – dedi ol. Málim bolǵandaı, FISU reglamenti boıynsha qatysýǵa múmkindik beretin akkredıtasııaǵa ótinish jiberý 2016 jyl­dyń 29 qańtarynan 2017 jyldyń 29 qańtaryna deıin jalǵasady. Aıta keteıik, Ýnıversıadaǵa akkre­tızasııalaýdyń birinshi kezeńinde 64 el qatysýǵa ótinish bildirgen. Ekinshi kezeńde qatysýshy el komanda tizimi men sport túrleri, sportshylar men resmı adamdardyń sany naqtylanýy tıis. Damır QOJAMQUL