Ozyq oıly oqýshylar

Almatyny sý tasqyny men selden qorǵaıtyn qurylǵy oılap tapty «Almatyda oqýshylar alyp shahardy sý tasqyny men selden qorǵaýǵa baǵyttalǵan jańa júıe oılap tapty. Paıdasy mol, múmkindigi zor qurylǵy Ile Alataýynyń betkeıine ornatylatyn bolady», dep jazady 24 kz arnasy. Sońǵy ýaqytta jaýyn-shashyn shamadan tys kóp bolyp tur. Tabıǵattyń bul minezi oqýshylardy da tolǵandyrýda. Jýyrda bir top shákirt «Qar sýy, jaýyn-shashyn men paıdalanylǵan sýdy tazalaýdyń jergilikti júıesi» dep atalatyn jańa joba daıyndap shyǵardy. Joba boıynsha, jylý ótkizetin talshyq engizilgen qos tútik taý betkeılerindegi qasat qarǵa ornalastyrylyp, kún energııasy arqyly jylytylady. – Eki tútiktiń arasyndaǵy keńis­tikke qar túsken sátte erip, arnaıy qubyrlar arqyly jasandy sý qoımasyna quıady. Bul sýmen jazda basseınderdi toltyrýǵa, egindikti sýǵarýǵa bolady. Jınalǵan sý kómirtek pıramıdasy arqyly tazartylǵan, – dedi Dilnur Aıýpova esimdi oqýshy. Oqýshylardyń jobasyna sáıkes, avtokólikterdi jýǵan sýdy úsh túrli súzginiń kómegimen qaldyq maıdan tazartýǵa bolady. Balalar ózderi oılap tapqan jobanyń maketin usaq bólshekterden qurastyrǵan. Ony jasaý úshin úsh jyl ýaqyttary ketipti. Joba jetekshileriniń aıtýynsha, ár qurylǵynyń bólshekteri muqııat zerttelip, ǵylymı negizde jasalǵan. Qanat ESKENDIR, «Egemen Qazaqstan» Nóser jaýynnyń saldarynan kópir astyna jınalǵan sýdan kólik motory isten shyǵyp qalmas úshin shyǵarmashylyq top aryq júıesin qaıta jasaýdy usynyp otyr. «О́zenderdiń tabıǵı arnasyn saqtaı otyryp, úılerdiń shatyrynan bastap jerasty joldaryna deıin sý ótkizetin qubyrlar qoıý kerek», dedi talapty jastar. ALMATY