Qazaqstan Respýblıkasy Investısııalar jáne damý mınıstrliginiń buıryǵy  №393

  2015 jylǵy 31 naýryz, Astana qalasy Dara kásipkerlerdiń jáne zańdy tulǵalardyń elektr jelilerindegi qýat koeffısıentiniń normatıvtik mánderin bekitý týraly «Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasy Zańynyń 5-babynyń 6-2) tarmaqshasyna sáıkes buıyramyn: 1. Qosa berilip otyrǵan dara kásipkerlerdiń jáne zańdy tulǵalardyń elektr jelilerindegi qýat koeffısıentiniń normatıvtik mánderi bekitilsin. 2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q. Erjanov): 1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin «Ádilet» aqparattyq-quqyqtyq júıesine resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILGEN»: Qazaqstan Respýblıkasynyń Energetıka mınıstri ______________ V.ShKOLNIK 20__ jylǵy 17 sáýir Qazaqstan Respýblıkasy Investısııalar jáne damý mınıstriniń 2015 jylǵy 31 naýryzdaǵy №393 buıryǵymen bekitilgen Dara kásipkerlerdiń jáne zańdy tulǵalardyń elektr jelilerindegi qýat koeffısıentiniń normatıvtik mánderi Dara kásipkerlerdiń jáne zańdy tulǵalardyń elektr jelilerindegi qýat koeffısıentiniń normatıvtik mánderi elektr jelilerine qosylý núktesindegi kerneý klasy boıynsha anyqtalady: Elektr jelisiniń kerneý klasy cos f* 110 – 220 kV kerneýi > 0,89 6 – 35 kV kerneýi > 0,92 0,4 kV kerneýi > 0,93 * - cos f (qýat koeffısıenti) – aktıvti qýattyń tolyq qýat qatynasyna teń, elektr togynyń energetıkalyq sıpattamasy bolyp tabylatyn ólshemsiz fızıkalyq shama. Buıryq Qazaqstan Respýblıkasynyń Ádilet mınıstrliginde 2015 jylǵy 21 mamyrdaǵy Normatıvtik quqyqtyq kesimderdi memlekettik tirkeýdiń tizilimine №11108 bolyp engizildi.