Qazaqstan Respýblıkasy Investısııalar jáne damý mınıstrliginiń buıryǵy №496 

  2015 jylǵy 28 sáýir ,Astana qalasy Dáldigi joǵary spýtnıktik navıgasııa júıesi ulttyq operatorynyń spýtnıktik navıgasııalyq qyzmetterdi uıymdastyrý jáne usyný qaǵıdalaryn bekitý týraly «Ǵarysh qyzmeti týraly» Qazaqstan Respýblıkasynyń 2012 jylǵy 6 qańtardaǵy Zańynyń 9-baby 1-tarmaǵynyń 21) tarmaqshasyna sáıkes buıyramyn: 1. Qosa berilip otyrǵan Dáldigi joǵary spýtnıktik navıgasııa júıesi ulttyq operatorynyń spýtnıktik navıgasııalyq qyzmetterdi uıymdastyrý jáne usyný qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Aeroǵarysh komıteti (T.A.Musabaev): 1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda tirkelýin; 4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on kún jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdiń usynylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILDI» «KELISILDI» Qazaqstan Respýblıkasynyń Qazaqstan Respýblıkasynyń Ulttyq ekonomıka mınıstri Ishki ister mınıstri ______________________ E.DOSAEV ______________________ Q.QASYMOV 2015 jylǵy 27 tamyz 2015 jylǵy 13 shilde Qazaqstan Respýblıkasy Investısııa jáne damý mınıstriniń 2015 jylǵy 28 sáýirdegi №196 buıryǵymen bekitilgen Dáldigi joǵary spýtnıktik navıgasııa júıesi ulttyq operatorynyń spýtnıktik navıgasııalyq qyzmetterdi uıymdastyrý jáne usyný qaǵıdalary 1. Jalpy erejeler 1. Osy Dáldigi joǵary spýtnıktik navıgasııa júıesi ulttyq operatorynyń spýtnıktik navıgasııalyq qyzmetterdi uıymdastyrý jáne usyný qaǵıdalary (budan ári – Qaǵıdalar) «Ǵarysh qyzmeti týraly» Qazaqstan Respýblıkasynyń 2012 jylǵy 6 qańtardaǵy Zańynyń 9-baby 1-tarmaǵynyń 21) tarmaqshasyna sáıkes ázirlendi jáne dáldigi joǵary spýtnıktik navıgasııa júıesi ulttyq operatorynyń spýtnıktik navıgasııalyq qyzmetterdi uıymdastyrý jáne usyný tártibin belgileıdi. 2. Osy Qaǵıdalarda mynadaı negizgi uǵymdar paıdalanylady: 1) dáldigi joǵary spýtnıktik navıgasııa júıesi (budan ári – DJSNJ) –jerústi jáne (nemese) ǵaryshta ornalasatyn tehnıkalyq quraldardy qamtıtyn jahandyq navıgasııalyq spýtnıktik júıeni fýnksıonaldyq tolyqtyrýlar; 2) dáldigi joǵary spýtnıktik navıgasııa júıesiniń ulttyq operatory (budan ári – DJSNJ operatory) – spýtnıktik navıgasııalyq qyzmet salasynda tehnologııalyq qamtamasyz etýdiń tutastyǵyn iske asyratyn, sondaı-aq ony paıdalaný negizinde qyzmetter kórsetetin Qazaqstan Respýblıkasynyń joǵary dáldikti spýtnıktik navıgasııa júıesin basqarýdy jáne paıdalanýdy júzege asyratyn uıym; 3) jahandyq navıgasııalyq spýtnıktik júıe (budan ári – JNSJ) – jerústi, sý jáne áýe obektileriniń koordınattyq-ýaqyttyq (geografııalyq koordınattary men bıiktikteriniń, qozǵalys jyldamdyǵy men baǵytynyń, ýaqyttyń) parametrlerin aıqyndaýǵa arnalǵan ǵarysh júıesi; 4) navıgasııalyq qyzmet obektileri – navıgasııa quraldarymen jabdyqtalǵan jáne (nemese) olardy navıgasııalyq qyzmet maqsatynda paıdalanatyn obektiler; 5) spýtnıktik navıgasııalyq aqparat – usynylý nysanyna qaramastan, koordınatalyq -ýaqyttyq jáne navıgasııalyq qamtamasyz etý mindetterin sheshý úshin paıdalanylatyn zattar, faktiler jáne qubylystar týraly málimetter (habarlamalar, derekter) jıyntyǵy; 6) spýtnıktik navıgasııalyq qyzmetterdi tutynýshy (budan ári – tutynýshy) – DJSNJ operatorynyń qyzmetterin paıdalanatyn zańdy nemese jeke tulǵa. 3. DJSNJ operatory jylyna bir retten sıretpeı ǵarysh qyzmeti salasyndaǵy ýákiletti organǵa alynǵan qyzmetter men qoldanylatyn apparatýranyń túri bóliginde navıgasııalyq qyzmetter kórsetilgen tutynýshylar jóninde aqparat beredi. 2. DJSNJ operatorynyń spýtnıktik navıgasııalyq qyzmetterdi uıymdastyrý tártibi 4. Spýtnıktik navıgasııalyq tehnologııalardy engizý, sondaı-aq Qazaqstan Respýblıkasynyń aýmaǵynda tutynýshylardy koordınatalyq- ýaqyttyq jáne navıgasııalyq qamtamasyz etý dáldigin, senimdiligi men qol jetimdiligin arttyrý máselelerin sheshý maqsatynda JNSJ fýnksıonaldyq tolyqtyrý retinde DJSNJ qurady. 5. JNSJ-nyń fýnksıonaldyq tolyqtyrýlaryn qalyptastyrý jáne odan ári paıdalaný mindetteri DJSNJ-nyń operatoryna júkteledi. 6. Tabıǵı jáne tehnogendik sıpattaǵy tótenshe jaǵdaılar týyndaǵan kezde DJSNJ operatory azamattyq qorǵaý salasyndaǵy ýákiletti organmen ózara is-qımyldar kezinde «Azamattyq qorǵaý týraly» 2014 jylǵy 11 sáýirdegi Qazaqstan Respýblıkasynyń Zańyna sáıkes tótenshe jaǵdaılar týraly halyqty aqparattandyrý jáne qaýipsizdik salasyndaǵy is-sharalardy júrgizý úshin spýtnıktik navıgasııalyq qyzmetterdi paıdalanýdyń absolıýtti basymdyǵyn qamtamasyz etedi. 3. DJSNJ operatorynyń spýtnıktik navıgasııalyq qyzmetterdi usyný tártibi 7. DJSNJ operatory koordınatalyq-ýaqyttyq jáne navıgasııalyq qyzmetterdi (budan ári – qyzmetter) tutynýshylardyń ótinimi boıynsha júzege asyrady. 8. DJSNJ operatory qyzmetterdi taratý, spýtnıktik navıgasııalyq qyzmetterdi kórsetý, paıdalaný salasynda mamandardy daıarlaý, qaıta daıarlaý jáne biliktiligin arttyrý júıesin qurady jáne damytady. 9. DJSNJ operatory paıdalanýshynyń ótinimin suratylǵan aýdanda qyzmetterdi kórsetýge tehnıkalyq múmkindigi turǵysynda bir jumys kún ishinde qaraıdy. Qaraý nátıjeleri boıynsha DJSNJ operatory paıdalanýshyǵa qyzmetter kórsetý jóninde kelisim nemese dáleldi bas tartý jóninde habarlamany bir jumys kún ishinde jiberedi. 10. Qyzmetti kórsetý kelisilgen jaǵdaıda tutynýshy habarlama alǵannan keıin úsh jumys kún ishinde DJSNJ operatory men tutynýshynyń arasynda qyzmet kórsetýge shart jasasady. Shartqa qol qoıylǵan sátten bastap bir jumys kún ishinde tutynýshy qyzmetke qosylady. Buıryq Qazaqstan Respýblıkasynyń Ádilet mınıstrliginde 2015 jylǵy 5 qazandaǵy Normatıvtik quqyqtyq kesimderdi memlekettik tirkeýdiń tizilimine №12136 bolyp engizildi.