Qazaqstan Respýblıkasy Ishki ister mınıstrliginiń buıryǵy  №1094

  2015 jylǵy 29 jeltoqsan, Astana qalasy Qazaqstan Respýblıkasy Ishki ister organdarynyń bólimshelerindegi moraldyq-psıhologııalyq ahýaldyń jaı-kúıine jyl saıynǵy sosıologııalyq monıtorıng júrgizýdiń qaǵıdalary men ádistemesin bekitý týraly «Quqyq qorǵaý qyzmeti týraly» Qazaqstan Respýblıkasy Zańynyń 54-1-babynyń 1-tarmaǵyna sáıkes buıyramyn: 1. Qosa berilip otyrǵan Qazaqstan Respýblıkasy ishki ister organdarynyń bólimshelerindegi moraldyq-psıhologııalyq ahýaldyń jaı-kúıine jyl saıynǵy sosıologııalyq monıtorıng júrgizýdiń qaǵıdalary men ádistemesi (budan ári - Qaǵıdalar) bekitilsin. 2. Qazaqstan Respýblıkasy Ishki ister mınıstrliginiń Kadr jumysy departamenti (A.Ú. Ábdiǵalıev) zańnamada bekitilgen tártipte: 1) osy buıryqty Qazaqstan Respýblıkasynyń Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin kúntizbelik on kún ishinde ony merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa joldaýdy; 3) osy buıryqty Qazaqstan Respýblıkasynyń Ádilet mınıstrliginde memlekettik tirkegennen keıin kúntizbelik on kún ishinde Qazaqstan Respýblıkasy normatıvtik quqyqtyq aktileriniń Etalondyq baqylaý bankine qosý úshin «Zań» derekter bazasy» sharýashylyq júrgizý quqyǵyndaǵy Respýblıkalyq memlekettik kásiporynǵa joldaýdy; 4) osy buıryqty Qazaqstan Respýblıkasy Ishki ister mınıstrliginiń ınternet-resýrsynda ornalastyrýdy; 5) osy buıryqty Qazaqstan Respýblıkasynyń Ádilet mınıstrligine memlekettik tirkegennen keıin kúntizbelik on kún ishinde ony osy tarmaqtyń 1), 2), 3), 4) tarmaqshasynda kózdelgen is-sharalardyń oryndalýy týraly málimetterdi Qazaqstan Respýblıkasy Ishki ister mınıstrliginiń Zań departamentine usynýdy qamtamasyz etsin. 3. Qazaqstan Respýblıkasy Ishki ister mınıstrliginiń komıtetteriniń tóraǵalary, departamentteri men derbes basqarmalarynyń bastyqtary, ishki ister departamentteriniń, tótenshe jaǵdaılar, qylmystyq-atqarý júıesi departamentteriniń, IIM bilim berý uıymdarynyń bastyqtary qosa berilip otyrǵan Qaǵıdalardyń talaptaryn zerdeleýdi jáne oryndaýdy qamtamasyz etýdi uıymdastyrsyn. 4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń birinshi orynbasary polısııa general-leıtenanty M.Ǵ. Demeýovke, Qazaqstan Respýblıkasy Ishki ister mınıstrliginiń Kadr jumysy departamentine (A.Ú. Ábdiǵalıev) júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Ishki ister mınıstri polısııa general-polkovnıgi Q.QASYMOV Qazaqstan Respýblıkasy Ishki ister mınıstriniń 2015 jylǵy 29 jeltoqsandaǵy № 1094 buıryǵymen bekitilgen Ishki ister organdarynyń bólimshelerindegi moraldyq-psıhologııalyq ahýaldyń jaı-kúıine jyl saıynǵy sosıologııalyq monıtorıng júrgizý qaǵıdalary men ádistemeleri 1. Jalpy erejeler 1. Osy Qaǵıdalar «Qazaqstan Respýblıkasynyń quqyq qorǵaý qyzmeti týraly» Qazaqstan Respýblıkasynyń 2011 jylǵy 06 qańtardaǵy Zańy 54-1-babynyń 1-tarmaǵyna sáıkes ázirlengen jáne ishki ister organdary bólimshelerindegi moraldyq-psıhologııalyq ahýaldyń jaı-kúıine jyl saıynǵy sosıologııalyq monıtorıng júrgizýdiń tártibi men ádistemesin (budan ári - Qaǵıdalar). 2. Monıtorıng mynadaı maqsatta júrgiziledi: 1) IIO qyzmetkerleri qyzmetiniń tıimdiligin arttyrý; 2) IIO qyzmetkerleriniń kásibı jáne basqarýshylyq tájirıbesin tıimdi paıdalaný; 3) IIO qyzmetkerleriniń basqarýshylyq quzyretterin kásibı damytý jáne jetildirý; 4) qyzmetkerlerdiń eńbek motıvasııasyn arttyrý, qyzmettik jumysty uıymdastyrý, basqarý prosesin ońtaılandyrý, bólimshelerdiń uıymshyldyǵyn arttyrý; 5) problemalyq bólimshelerdi anyqtaý, qarym-qatynastar qurylymyn anyqtaý; 6) IIO bólimshelerindegi psıhologııalyq ahýaldy jaqsartý jónindegi is-sharalardy ázirleý. 3. Osy Qaǵıdalarda paıdalanylatyn negizgi uǵymdar men termınder: 1) basqarý stıli – basqarý fýnksııalaryn tıimdi jáne sapaly oryndaý maqsatynda basshylyqtyń ujymǵa áser etý tásilderiniń, ádisteriniń, tutas, salystyrmaly túrde turaqty júıesiniń jeke-tıptik erekshelikteri; 2) kásibı qyzmet – eńbek túri, ony saralaý saldary. Kásibı qyzmet tabysy onyń operasııalyq, uıymdastyrýshylyq, psıhologııalyq jáne moraldyq jaqtaryn, sondaı-aq psıhologııalyq taraptardyń ıeligin, sondaı-aq jınaqtalǵan kásibı bilimin ıgerýdi jáne eńbek mindetterin oryndaýdyń ońtaıly tásilderin iske asyrýǵa daıyndyǵyn kózdeıdi; 3) qadaǵalaý – tabıǵı jaǵdaılarda zerttelinetin obektiniń minez-qulqyn maqsatty jáne uıymdastyrýshylyq qabyldaý men tirkeýden turatyn sıpattaý, psıhologııalyq, zertteý ádisi; 4) qanaǵattanýshylyq – aınaladaǵy shyndyqty, adamdardy, ómir saltyn, jeke qatynastardy, jetistikterdi jáne adamdardyń jeke maqsatyna qol jetkizgennen keıingi emosıonaldyq jaı-kúıin sýbektıvti (oń) baǵalaý; 5) moraldyq-psıhologııalyq ahýal – tulǵaaralyq qatynastyń sapaly jaǵy, jemisti birlesken qyzmetke jáne jeke tulǵanyń topta jan-jaqty damýyna yqpal etetin nemese kedergi keltiretin psıhologııalyq jaǵdaılar jıyntyǵy; 6) moraldyq-psıhologııalyq ahýal monıtorıngi – bul ishki ister organdary ujymdaryndaǵy áleýmettik-psıhologııalyq qubylystardy anyqtaýdyń, taldaýdyń jáne baǵalaýdyń, onyń ishinde ózara destrýktıvti qarym-qatynastardy boljaý men aldyn alýdyń keshendi júıesi; 7) saýalnama júrgizý – respondentterden málimetterdi jınaý quraly retinde arnaıy resimdelgen kommýnıkatıvti ádis, onda suraqtar tizimi - saýalnama qoldanylady; 8) ujym – birlesken áleýmettik-maqsatty qyzmet prosesinde damýdyń joǵary deńgeıine qol jetkizgen, ortaq maqsattarymen jáne mindetterimen birlesken adamdar toby. 2. Ishki ister organdarynyń bólimshelerindegi moraldyq-psıhologııalyq ahýaldyń jaı-kúıine jyl saıynǵy sosıologııalyq monıtorıng júrgizýdiń tártibi 4. Sosıologııalyq monıtorıngti ishki ister organdarynyń bólinisterinde kúntizbelik jyldyń tórtinshi toqsanynda kadr bólinisiniń psıhology jyl saıyn, erikti negizde, qupııa túrde, zertteýdi júrgizýdiń tártibin qatań saqtaı otyryp, zertteletin adamǵa zertteýdiń maqsaty men qupııalyǵyn aldyn ala túsindirý arqyly, qyzmetkerdiń qalaýy boıynsha memlekettik jáne orys tilderinde, negizinen kúnniń birinshi jartysynda ótkiziledi, bul rette saýalnamany ótkizý uzaqtyǵy jıyrma mınýttan alpys mınýtqa deıingi ýaqytty quraıdy. Zertteýdiń nátıjelerin ońtaıly baǵalaý úshin qyzmetkerlerdiń naqty sanynyń keminde 70% qatysýy qajet. Sosıologııalyq monıtorıngti ashý, óńdeý jáne taldaý jasaýdy kadr bólimsheleriniń psıhologtary nemese ýákiletti tulǵalar júrgizedi. 3. Ishki ister organdarynyń bólimshelerindegi moraldyq-psıhologııalyq ahýaldyń jaı-kúıine jyl saıynǵy sosıologııalyq monıtorıng júrgizýdiń ádistemesi 5. Monıtorıng mynadaı kezeńderden turady: 1) monıtorıngti daıyndaý men uıymdastyrý; 2) zertteý mindetterin qoıý jáne mánin tańdaý; 3) uıymdastyrýshylyq jumys (jeke quramdy jınaý); 4) saýalnamalardy tańdaý; 5) zertteý derekterin jınaý; 6) jınalǵan aqparattyń sapasyn baqylaý; 7) alynǵan derekterdi óńdeý. Alynǵan derekterdi sandyq jáne sapalyq taldaý; 8) taldaý jáne jalpylaý. Teorııalyq túsiný. Anyqtamalar men usynystardy daıyndaý. 6. Saýalnamany júrgizý kezinde sosıologııalyq monıtorıngti ótkizý ýaqyty men orny monıtorıng júrgiziletin ishki ister organy bólimsheleriniń basshysymen kelisiledi. 7. Sosıologııalyq monıtorıng standarttalǵan ádistemelerdiń bireýin qoldana otyryp qyzmetkerlerden jaýap alý nysanynda júrgiziledi. 8. Respondent ózdiginen jaýaptardyń nusqalaryn oqıdy, onyń ishinen onyń ustanymyna basqalaryna qaraǵanda anaǵurlym sáıkes keletinin tańdaıdy. 9. Monıtorıng nátıejelerin paıymdaý qyzmetkerdiń onyń qyzmetindegi jaǵdaıǵa: 1) áriptesterine degen qarym-qatynasyna; 2) eńbek qyzmetimen qanaǵattanýyna; 3) basqarý stıline; 4) toptyq normalar men jeke qabyldaý jáne baǵalaý, ózara pikir almasý negizindegi qundylyqtarǵa qatynasy men sýbektıvti pikiriniń negizinde qalyptasady. 10. Jaǵymdy ahýaldyń negizgi ólshemsharttary: 1) kásibı is-áreketke joǵary jáne ortadan joǵary qanaǵattanýy; 2) pikirler úılesimdiginiń joǵary jáne ortadan joǵary deńgeıi; 3) basshy men qyzmetkerdiń jaǵymdy qarym-qatynasy bolyp tabylady. 11. Jaǵymsyz ahýaldyń janama ólshemsharttary: 1) mamandardyń turaqtamaýy, kásibı is-áreketine degen qulshynysynyń ózgerýi, kásibı baǵalanbaý (sonyń ishinde jeke jetistikter redýksııasy), kásibı densaýlyqtyń tómendeýi, kásibı jumysymen qanaǵattanýdyń tómen baǵalanýy, jumystaǵy damýdyń bolmaýy, eńbektiń qıyn sharttary, eńbek aqynyń tómen deńgeıi, áleýmettik qorǵaýdyń tómendigine baılanysty; 2) ujymnyń qyzmettik is-áreketiniń tıimsizdigi, qyzmetkerlerdiń kásibı daıyndaýdyń tómen deńgeıi, ujymdy basqarýdaǵy avtorıtarlyq stıl, oryndaýshylyq tártibiniń tómen deńgeıi; 3) qyzmetkerlerdiń toleranttylyǵynyń tómen deńgeıi men qaqtyǵystyq jaǵdaılar bolyp tabylady. 12. Toltyrylǵan saýalnamalardy jınaý arnaıy konteınerlerde júrgiziledi. Konteıner kadr bólimshesi basshylyǵynyń qatysýymen mórlenedi jáne ashylady, saýalnamalar sanalady jáne bólimsheniń psıhologyna óńdelý úshin beriledi. Buıryq Qazaqstan Respýblıkasynyń Ádilet mınıstrliginde 2015 jylǵy 31 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine № 12713 bolyp engizildi.