«Altyn adam»

aımaqtardy aralap ketti Táýelsizdiktiń 25 jyl­­dyǵyna oraı elimiz boıynsha «Ulttyq mýzeı – seniń qalańda!» atty mádenı týr bas­taý aldy. Qazaqstan Respýb­lıkasynyń Ulttyq mýzeıi uıym­dastyryp otyrǵan má­denı saıahat aldymen Oral qalasyna taban tiredi. Oraldyq kórermender Ulttyq mýzeıdiń eń qundy murasynyń biri – «Altyn adam» jádigerin tamashalap, arnaıy baǵdarlamanyń kýási boldy. «Altyn adam» – halqy­myz­dyń eń qundy jádigeri, eldigimizdiń sımvoly. Ataýly joba aıasynda qa­la jurtshylyǵy men qonaq­tary tek mýzeı tórinde ǵana turatyn qundy já­diger­men tereńirek tanysýǵa múmkindik aldy. Sonymen qatar, batysqazaqstandyqtar «Ulttyq mýzeıdiń 10 shedevrin» tama­shalady. Ǵasyrlar boıy qalpyn buzbaǵan asyl mıras ónersúıer qaýymnyń erek­she qyzyǵýshylyǵyn týdyrdy. Astanalyq mýzeıdi aralamaǵandar úshin «Ulttyq mýzeıge saıahat» tanystyrý beınerolıgi jan-jaqty aqparat berdi. Sonymen qatar, 3D tehnologııasy arqyly mýzeıdiń ár zaly jeke-jeke tanystyryldy. Sharaǵa oblys ákimdiginiń ókilderi men ózge de salalardan qonaqtar qatysty. Táýelsiz Qazaqstannyń brendine aınal­ǵan «Altyn adam» eskertkishi ózge qalalarda da keń kólemde tanys­tyrylmaq. Kórmeni tamashalaý tegin júrgiziledi. Budan ári kórme Aqtóbe qalasynda jalǵasady.  «Egemen-aqparat»