«Anaǵa aparar jol»

fılminiń tusaýkeseri Máskeýde ótti Belgili rejısser, kınematograf Aqan Sataevtyń «Anaǵa aparar jol» fılminiń tusaý­keseri Reseı astanasynda ótti. Jańa týyndy 1930 jyldan bas­tap búginge deıingi ara­lyqty qamtıdy. Halyqtyń kór­gen qı­ynshylyqtary, sol kezeń­degi ashtyq, qýǵyn-súrgin, soǵys jyldary, soǵystan keıingi eldiń nashar turmysy – bári-bári fılm ssenarııine arqaý bolǵan. Taǵ­dyr­dyń jazýymen bir-birinen ajyrap qalǵan ana men balanyń jyldar boıǵy saǵynyshy, bastaryna túsken qıyndyqtardy eńserip, qaıta qaýyshqan sátteri kórermenderdi eriksiz jylatty. Dramaǵa toly fılmniń túsi­rilim jumystary Qazaqstanda, Ázerbaıjanda, Belarýste ótken. – Alty aı ýaqytymyzdy sarp ettik. Kún demeı, tún demeı, qoly­myzdan kelgenniń bárin jasa­dyq. Atalarymyzdyń bastan kesh­ken qıyndyqtaryn barynsha shynaıy jetkizýge tyrystyq, – dedi basty róldi somdaǵan Ádil Ahmetov. Bul – alǵashqy ashyq kórse­tilim. Tusaýkeserge kelgenderdiń kóńilinen shyqqany aıdan anyq. «Asqan sheberlikpen túsirilgen. Soǵys júrip jatqan tustary men kınonyń aýqymdylyǵy tańǵal­dyrdy», degen jyly lebiz­derin bildirip jatty kınosynshylar. – Maǵan qatty unady. Fılm aıaqtalar tusta kózimnen jas aǵyp ketkenin baıqamaı qaldym. Akterlerdiń, operatorlardyń ju­mysy tipten erekshe, – dedi akter Ivan Nıkolaev. Aıan ÁBDÝÁLI, «Egemen Qazaqstan»